“ღარიბაშვილმა თქვა, რომ ვეხსნებით ნატოსაც, ფაქტობრივად… ” – ბექა კობახიძე

ასოცირებული პროფესორი, ბექა კობახიძე:

‘ღარიბაშვილმა თქვა, საქართველო ნატოს წევრი ვერ გახდება ტერიტორიული მთლიანობის აღდგენამდეო.

ეს თავისუფლად შეეძლო ეთქვა ვინმე ექსპერტს, რა პრობლემაა და ამაში იქნებოდა გარკვეული არგუმენტი.

მაგრამ! ღარიბაშვილი არის ქვეყნის პრემიერ მინისტრი. მისი მოვალეობაა, რომ რაც შეიძლება მეტი ზეწოლა განახორციელოს ნატოს ქვეყნებზე, რათა ამ უკანასკნელებმა წევრობა თუ არა ბევრი სხვა ტიპის დახმარება მოგვცენ. ამ პოლიტიკის ნაწილი იყო ნატო-საქართველოს არსებითი პაკეტი. მის ფარგლებში საქართველომ უამრავი მნიშვნელოვანი სამხედრო დახმარება მიიღო.

ახლა ღარიბაშვილმა თქვა, რომ ჩვენ ფაქტობრივად აღარ ვართ ნატოს ასპირანტი ქვეყანა და ვეხსნებით ნატოსაც, ფაქტობრივად.

ღარიბაშვილმა თქვა, რომ რუსეთის ხელშია ჩვენი ნატოში გაწევრიანების ვეტო, რადგან რუსეთი აკონტროლებს ოკუპირებულ ტერიტორიებს. შეგახსენებთ, ნატოსა და რუსეთს შორის დაპირისპირება, მათ შორის უკრაინაში, ეფუძნება მათ შორის რუსეთის მოთხოვნას, რომ მას ჰქონდეს ნატოში გაწევრიანებაზე ვეტოს უფლება.
ფინეთმა, შვედეთმა, უკრაინამ უარი უთხრეს ამ ვეტოს, ხოლო ღარიბაშვილმა რუსეთის გასაგონად განაცხადა რომ საქართველო რუსეთის ვეტოს ემორჩილება.

ქვეყნის ხელისუფლებამ ისტორიული დანაშაული ჩაიდინა და კონსტიტუცია დაარღვია ჯერ ევროკავშირთან მიმართებაში, ახლა იგივე მიზანმიმართულ პოლიტიკას აგრძელებს ნატოსთანაც.

დღესავით ნათელია რომ ხელისუფლებამ ქვეყანა მიიტაცა და მას ხალხის და კონსტიტუციის წინააღმდეგ მართავს.”