“ღარიბაშვილის განადგურება ის ვიზუალური ფაქტია, რომლის შემდეგაც იგი არასდროს გამოდგება ამერიკელებისათვის მისაღებ პირად და წყაროდ” – რომან გოცირიძე

ყოფილი პარლამენტარი, რომან გოცირიძე:

რა მიზანი ამოძრავებდა ივანიშვილს? დასჯა და მორალური განადგურება პირისა, რომელმაც განრიდება მოინდომა სანქციების და სხვა გარემოებათა შიშით, რომელსაც რატომღაც არ ერჩის ამერიკა და ევროკავშირი და რომელიც ერთ დროს შეიძლება მოწმე გამოდგეს მის წინააღლმდეგ.

განა ივანიშვილმა არ იცოდა, რომ მას მრავალმილიონიანი ბიზნესები ჰქონდა( კორუფციას რომ თავი დავანებოთ)? მან ყველაზე ყველაფერი იცის. ღარიბაშვილის განადგურება და მისი სახლიდან 6,5 მილიონი ნაღდი დოლარის ამოღება არის ის მატერიალური და ვიზუალური ფაქტი, რომლის შემდეგაც იგი არასდროს გამოდგება ამერიკელებისათვის მისაღებ პირად და წყაროდ.

რაც შეეხება ლილუაშვილს, აქ კიდე უფრო მეტად მოქმედებს კვირიკაშვილის სინდრომი-მომენტალურად მოიშორა თავიდან, როგორც კი კვირიკაშვილი ამერიკელებისათვის სანდო პირად იქცა. ლილუაშვილმა ყველაზე მეტი იცის ივანიშვილის შესახებ, მათ შორის მისი რუსული კავშირების შესახებ. მისი განეიტრალებაც იგივე მიზნით ხდება, რაც ღარიბაშვილთან დაკავშირებით. მასაც არ დაიჭერს, მითუმეტეს, როცა მის მიმართ ბრალი ჯერჯერობით მხოლოდ მისი ნათესავის დაკავებაა, რომელსაც ლეგალური სამშენებლო ბიზნესი გააჩნია და მშენებარე მრავალსართულიანი კორპუსების ნივთმტკიცებად ტელეეთრებში მოხმობა სულაც არ აძლიერებს გამოძიების პოზიციას.

რომანოვად გადაკეთებული ფარცხალაძის განკულაკებას, რომლის უკანაც რუსეთი დგას და რაც არც თუ ისე ადვილი საქმეა, რაღაც მნიშვნელოვანი საფუძველი უნდა ჰქონდეს. მის წინააღმდეგ საქმის დაწყება რუსეთთანაც იქნება შეთანხმებული.

გარდა პირადი მოტივებისა, ამ ანტიკორუფციულ კამპანიაში და შიდა რეპრესიებში ივანიშვილს სხვა, არანაკლებ მნიშვნელოვანი მოტივი ამოძრავებს-შიშის სინდრომის დანერგვა საკუთარ კლანში და უსამართლობის წინააღმდეგ მებრძოლად თავის წარმოჩენა ხალხის თვალში. 13 წლის შემდეგ რომ გახსენდება სამართლიანობა, ამას იდეური ქოციც კი არა ჭამს. მათ რიგებშიც დიდი ბზარი გაჩნდა.