“ნაციონალური მოძრაობის” წევრი, ხატია დეკანოიძე, პრემიერ-მინისტრს სიცრუეში ადანაშაულებს. ხატია დეკანოიძე ირაკლი ღარიბაშვილის დღევანდელ განცხადებებს გამოეხმაურა, რომლის მიხედვითაც საქართველოში ეკონომიკური ზრდის წელი იყო და მომდევნო 3 წელი ქვეყანაში არჩევნები არ ჩატარდება. დეკანოიძის თქმით, ღარიბაშვილმა საზოგადოებას არასწორი სტატისტიკა წარუდგინა.
ღარიბაშვილის ეს ბრტყელი განცხადებები, რა თქმა უნდა, ჩვენ თუ კარგად ჩავუღრმავდებით, არის სრული სიცრუე და საკუთარ თავთან საუბარი.
რაც შეეხება არჩევნებს, მე დარწმუნებული ვარ, რომ არც ღარიბაშვილს, არც “ქართული ოცნების” რომელიმე წარმომადგენელს, რაც არ უნდა უნდოდეთ მათ, ეს არ გამოუვათ, პოლიტიკური კრიზისი არსად არ წასულა, ჯერ კიდევ არის და რა თქმა უნდა, ვადამდელი არჩევნებისთვის ჩვენ გავაკეთებთ ყველაფერს”, – ამბობს ხატია დეკანოიძე.
კომენტარები