“ღარიბაშვილი სერიოზულ საქმეს მოწყდა…” – ნიკოლეიშვილი

“არასოდეს არ მიყვარდა ხანგრძლივი თათბირები, თათბირები სადაც სიტყვების „რახარუხი“ ისმოდა, ძირითადად იმას ემსახურებოდა ვიღაცებს თავისი უაზრო აზრებით თავი „გამოეჩინა.“ ყველაზე გულდასაწყვეტი კი ის გახლდათ, რომ ძვირფასი დროის ფუჭად ხარჯვა ხდებოდა!

დღევანდელი პრემიერის მისვლა პარლამენტში ოპოზიციის ძირითადმა ნაწილმა სწორედ ასეთ თათბირს დაამგვანა (სამწუხაროდ, პირველი შემთხვევაც არ არის!). მოსმენაც შემიძლია, მოსმენილის გაგებაც, მაგრამ ერთადერთი რაც გავიგე ოპოზიციის ნაწილის მთავარი მიზანი ან ლანძღვა იყო ან პოლიტიკური კეკლუცობა,რომ თითქოს ან რამეს წარმოადგენენ ან რამის გაკეთება უნდათ და ვინმე რამეს უშლის. ძალიან გული მწყდება, რომ მათ მოსმენას გარკვეული დრო დავუთმე (რეალურად კი დრო დავკარგე!).

ახლა წარმომიდგენია, პრემიერ მინისტრი ირაკლი ღარიბაშვილი, რომელსაც კანონი ავალდებულებს პარლამენტში მისვლას გარკვეული მოხსენების გაკეთებას ( კი ბატონო!), მერე გამწარებული რადიკალების მოსმენას (გაძლება არ გინდა?!), და ბოლოს მათთვის პასუხის გაცემას! რამდენი სერიოზულ საქმეს მოწყდა! რა ტყუილად დააკარგვინეს დრო (იქნებ ეს იყო მათი მთავარი მიზანი?!). პარლამენტარიზმის, დისკუსიის, კონსტრუქციულობის არაფერი საქმესთან დაკავშირებული პარლამენტში დღეს არ ხდებოდა, სრულიად სამართლიანად უთხრა ირაკლი ღარიბაშვილი ოპოზიციას – „დაბოღმილი, გამწარებული, შურით აღვსილნი ხართ, საშინელებაა!“ ხოლო მთავარ საკითხზე რაზეც თითქოს დისკუსია-თათბირი უნდა გამართული, ვინ რას აკეთებს ევროკავშირის კანდიდატობისათვის უბრალოდ ერთი სიმართლე შეახსენა, თუ როგორ ვერ აიტანა ოპოზიციამ ევროკომისრის ბატონ ოლივერ ვარჰეის ვიზიტი – „ევროკომისარმა პოზიტიური გზავნილი ჩამოიტანა და ვნახეთ, როგორ დაესხით თავს!“ სიმართლე ეს არის და მწარე რეალობა კი ის ოპოზიციის ეს დიდი ნაწილი, ბიუჯეტიდან ხელფასს (ბიუჯეტის მძარცველები!) არაფერში, უფრო სწორად კი მავნებლობაში იღებს, იმედია ბევრი მათგან შემდეგ პარლამენტში აღარ იქნება, თუმც „დამსახურებულ“ პენსიას კი მიიღებს.

p.s. მალე ახალი ტრაგიკომედია გველის “ნაციონალურ მოძრაობაში” თავმჯდომარის არჩევნები იქნება, აქ საინტერესო ის კი არა თუ ვინ გახდება ახალი “ლიდერი” , არამედ დამარცხებული მხარე თუ იტყვის, რომ “არჩევნები გაყალბდა!” ჩვენი უცხოელი მეგობრების აზრიც მნიშვნელოვანი იქნება!”