პოლიტოლოგი, გია ხუხაშვილი, “ტვ პირველთან” ამბობს:
“აშკარაა, მიმდინარეობდა სპეცოპერაცია, ეს იყო პოლიტიკური ოპერაცია, სისტემური დანაშაული, ამოცანა იყო მარტივი – ბიძინას ტექნოლოგიით, უნდა გაკრეფილიყო შუა, ღარიბაშვილი უნდა გამოჩენილიყო მართლმადიდებლობის, ტრადიციების დამცველად და ვინც გამოხატვის თავისუფლებისთვის იბრძვის, ისინი უნდა გამოცხადებულიყვნენ სექსუალურ უმცირესობად, ან მათთან დაახლოებულ ჯგუფებად.
სულ ესე მოქმედებენ, თუმცა, გამყოფი ხაზი სხვადასხვა თემებზე ჰქონდათ, იყო მიშასთან დაკავშირებით, მერე რელიგიური მოტივებით “გარეჯი საქართველოა” ჩაგვიტარეს და ლამის აზრებაიჯანთან ომი დაგვაწყებინებს… ახლა ღარიბაშვილს მოუფიქრეს შეფუთვა, შენ გამოჩნდები გმირი, მასობრივ ისტერიას დავიწყებთ, არსებულ ყველა პრობლემას გადავიტანთ… აერიათ ეს ყველაფერი, ახლა მცემელიც აგინებს და ნაცემიც ღარიბაშვილს.
იჯდეს ის ღარიბაშვილი, თუ ასე ეპოტინება ამ სკამს, ტიტანიკად იქცა უკვე, პოლიტიკური გვამია ღარიბაშვილი უკვე, მას არანაირი მხარდაჭერა აღარ აქვს, რაღაცა მხარდამჭერთა ჯგუფი ჰყავს, რამდენიმე ქალი და კაცია, რომლეიც ლაიქებს აგროვებენ და ვერ აგროვებენ, აი, ამ დონეზე არიან დაშვებულნი. “ოცნებას” თუ უნდა ასეთი პრემიერი-მინისტრი, ღმერთმა მოახმაროს, ჩაყვნენ საფლავში, მე არა ვარ ამის წინააღმდგეი.
მე ქართული ოცნების გამოსავალი აღარ ვიცი რა არის. პერსონალურად ივანიშვილს უდგას სერიოზული პრობლემები, მე ის არ მემეტება ადამიანურად, რაღაც გარკვეული ურთიერთობები გვქონდა, ადამიანურ ჭრილში, პოლიტიკურად მთლიანად მიუღებელია. ერთადერთი გზაა, თუ მას უნდა, არათუ რეაბილიტაცია, რეაბილიტაცია შეუძლებელია, რაღაცა ისტორიული სტატუსი რომ შეინარჩუნოს, არის ერთადერთი გზა – ახლა არის მაღალი სახელმწიფოებრივი რისკები, გარდამავალი ეტაპია, თავად უნდა დაბრუნდეს პრემიერ-მინისტრად და გახდეს რეალურად კონკრეტული არჩევნების ჩატარების გარანტი.
ახლა, როცა დიდი რყევებია, საჭიროა ძალის ცენტრი. ჩვენ შეიძლება ბიძინა არ მოგწონდეს, მაგრამ უნდა ვაღიაროთ, ძალის ცენტრი, ვისაც შეუძლია ამ არეულ სიტუაციაში, თუნდაც დროებითი სტაბილურობა მოიტანოს, მარტო ის არის, მეტი არავინ. კეთილი ინებოს, დაბრუნეს პრემიერ-მინისტრად, ჩაატაროს ღირსეული კონკურენტული არჩევნები, სადაც დამარცხებული მიულოცავს გამარჯვებულს და წავიდეს….
ეს მას მისცემს იმის შანს, რომ ნაწილობრივი რეაბილიტაცია მოახდინოს და საკუთარი უსაფრთხოება უზრუნველჰყოს. მას სერიოზული საფრთხე ემუქრება. არ მემეტება ადამიანურად.”
კომენტარები