“ღარიბაშვილი დღეს ჩამოდის აქ, გუშინ მისმა პარტიამ დააპატიმრა გვარამია.. ესაა მატყუარების პარტია” – სამადაშვილი ბრიუსელიდან

ლელოს” ერთ-ერთმა ლიდერმა სალომე სამადაშვილმა, რომელიც ბრიუსელში შეხვედრებს მართავს, “ტვ პირველის” ეთერში განაცხადა: 

“ქართული ოცნება” მატყუარა ხელისუფლებაა. ეს არის მატყუარების პარტია, რომლებიც ატყუებენ როგორც ქართველ ხალხს, ასევე ჩვენ საერთაშორისო პარტნიორებს. ღარიბაშვილი დღეს ჩამოდის აქ და გუშინ მისმა პარტიამ დააპატიმრა ნიკა გვარამია, ხომ ცხადია, რომ აღარანაირი მნიშვნელობა არ აქვს, რას ილაპარაკებს ღარიბაშვილი აქ?! იმიტომ, რომ გუშინ გადადგმული ნაბიჯით ხელისუფლებამ ცხადი გახადა, რომ მას რეალურად არანაირი წარმატება არ სურს.

სისხლიან 9 წელს რომ ეძახის ხელისუფლება, იმ წლებში რა თქმა უნდა იყო პრობლემები ადამიანის უფლებების, სასამართლოს დამოუკიდებლობის და ბევრი სხვა მიმართულებით, მაგრამ ძალიან მნიშვნელოვანი ინფრასტრუქტურა იყო შექმნილი საერთაშორისო ლობირების და ჩვენი დახმარების თვალსაზრისით. ეს ინფრასტრუქტურა მთლიანად ჩამოშალა “ოცნებამ”.

როგორც ქართველ ხალხს ატყუებენ წინასაარჩევნოდ, ასევე ატყუებენ საერთაშორისო თანამეგობრობასაც, ამიტომ ღარიბაშვილისთვის არ წარმოადგენს პრობლემას, რომ ჩამოვიდნენ და ტყუილები ელაპარაკოს ჩვენ მეგობრებს, მაგრამ სამწუხარო რეალობა ის არის, რომ ამ ტყუილებზე საუბრით დღეს ჩვენ ვკარგავთ ისტორიულ შესაძლებლობას, რომ გავიდეთ სამშვიდობოს და მივიღოთ ევროკავშირის წევრობის კანდიდატის სტატუსი,”