შოვში სამაშველო ვერტმფრენებმა დაღამების შემდეგ მუშაობა შეწყვიტეს, ამ დრომდე ადგილზეა მხოლოდ ცოცხალი ძალა და მაშველები სტიქიის ზონიდან ადამიანების გამოყვანას ცდილობენ.
რამდენად უსაფრთხოა მაშველების დატოვება ვერტმფრენების გარეშე სტიქიის ზონაში – შსს–ს კომენტარი არ გაუკეთებია, ისევე, როგორც უცნობია, როგორ უნდა გამოიყვანონ ვერტმფრენების გარეშე გადარჩენილები ან დაშავებულები (ასეთის პოვნის შემთხვევაში) მაშველებმა.
სოფელ გლოლაში შეკრებილები არიან ადამიანები, რომლებიც დაკარგულ ახლობლებს ეძებენ. ისინი მეწყერის ჩამოწოლის შემდეგ ოჯახის წევრებს ვერ უკავშირდებიან.
შსს-ს ცნობით, სტიქიის ზონაში ამ დროისათვის ორი ადამიანის ცხედარია ნაპოვნი. მათი ვინაობა ჯერჯერობით უცნობია.
კომენტარები