გეუბნებოდით, მელიას გამო გადადგა – მეთქი და არაო… ვერ შეკრეს კოალიცია „ნაცებთან“? – ზურაბ ქადაგიძე

ჩხოროწყუს საკრებულოს თავმჯდომარედ გიორგი გახარიას პარტიის წევრი „ნაციონალური მოძრაობისა“ და „ლელოს“ მხარდაჭერით აირჩიეს, რასაც ანალიტიკოსი ზურაბ ქადაგიძე სოციალურ ქსელში გამოეხმაურა.

„ბევრი იარა, თუ ცოტა…9 მთა გადაიარა ბატონმა გიორგიმ და ბოლოს, „ნაცებთან“ დაქორწინდა… გეუბნებოდით, მელიას გამო გადადგა – მეთქი და არაო… ვერ შეკრეს კოალიცია „ნაცებთან“? ჯერ სად ხართ, ნელ-ნელა ყველა ფაზლი დალაგდება და მოზაიკა სახელად „გახარია-ნაცების ტანდემი“ დაიხატება… ახლა დაიწყება დემაგოგია: დემოკრატია, კოალიცია, სახელმწიფოებრივი გადაწყვეტილება და ათასი სისულელე… მოკლედ, თუ ღირებულებითი ან იდეოლოგიური თანხვედრა არ გაქვს პარტიასთან მინიმუმ, კოალიციის შეკვრა ხელოვნური ფიქციაა… და თუ თანხვედრა გაქვთ, ბარემ გვითხარი. რა საჭიროა ამდენი თითლიბაზობა?“, – წერს ქადაგიძე Facebook-ზე.