შსს განცხადებას აქვეყნებს, ამტკიცებს, რომ საზოგადოებისთვის ინფორმაციის მისაწოდებლად და ამტკიცებს, რომ სტუდენტებს “ტიტუშკები” არ დასხმიან თავს. “გეკას” უწყება ამტკიცებს იმასაც, რომ “ინტენსიურ რეჟიმში” მიდის გამოძიება, თუმცა, სოციალურ ქსელში გავრცელდა ვიდეო, სადაც ახალგაზრდები იქეთ ეხვეწებიან პოლიციას დაიწყოს მოქმედება, ასევე წერდნენ, რომ რკინის საგანი, რომლითაც თავი გაუტეხეს სტუდენტს, ადგილზე მისულმა პოლიციამ არც კი წაიღო. თუ არც დაულუქავს და წაუღია პირველივე პერიოდში და ადგილზე დააგდო, რამდენად გამოდგება უკვე მტკიცებულებად უცნობია.
“გამოძიების ამ ეტაპზე მოპოვებული პირველადი ინფორმაციით, ტაძრის მსახურ პირებთან შელაპარაკების დროს, იგორ ნარმანიასთან ერთად მყოფ ათზე მეტ პირსა და მიმდებარე ტერიტორიაზე არსებული რესტორნიდან გამოსულ ორ პირს შორის, რომლებიც ტაძარში მომუშავე ქალს გამოესარჩლნენ, სიტყვიერი დაპირისპირება ფიზიკურ დაპირისპირებაში გადაიზარდა, რა დროსაც მათ ერთმანეთს სხვადასხვა სახის დაზიანებები მიაყენეს.
ამ დროისათვის იდენტიფიცირებულია დაპირისპირებაში მონაწილეთა უდიდესი უმრავლესობა. საქმეზე გამოძიება ინტენსიურ რეჟიმში მიმდინარეობს.
გამოძიება სისხლის სამართლის კოდექსის 126-ე მუხლით მიმდინარეობს, რაც ჯგუფურად ჩადენილ ძალადობას გულისხმობს.
ცნობისთვის, “გეკა” პირველი შს მინისტრია, რომელიც “კლიჩკით” აქვეყნებს ოფიციალურ განცხადებებს.
კომენტარები