GDI-მ შეისწავლა ჯანო არჩაიას საქმე და მიიჩნევს რომ ჯანო არჩაია პოლიტიკური პატიმარია და ის დაუყოვნებლივ უნდა გათავისუფლდეს.
“საქართველოს დემოკრატიული ინიციატივა“ აქვეყნებს შეფასებას, რომლის მიხედვითაც 49 წლის დისტრიბუტორი, ტაქსის მძღოლი, რომელიც რეჟიმმა 2024 წლის 05 დეკემბერს დააკავა და ორგანიზებულ ძალადობრივი ჯგუფის ქმედებებში მონაწილეობას ედავება, დაპატიმრებულია ქმედებისთვის რასაც კავშირი არ აქვს დანაშაულთან და მისი წინასწარი პატიმრობა არის აშკარად უსამართლო სამართალწარმოების შედეგი.
“GDI სწავლობს ქართული ოცნების რეჟიმის მიერ სისხლის სამართლის წესით დაპატიმრებულ პირთა საქმეებს. საქმეების ანალიზი ხდება “პოლიტიკური პატიმრის დეფინიციის შესახებ” ევროპის საბჭოს საპარლამენტო ასამბლეის N1900 რეზოლუციის კრიტერიუმებთან მიმართებით. აღსანიშნავია, რომ თუ საქმე რეზოლუციის ხუთი კრიტერიუმიდან ერთ-ერთს მაინც აკმაყოფილებს პირი პოლიტიკურ პატიმრად ითვლება.
პატიმართა საქმეებს ეტაპობრივად შევისწავლით და ჩვენს შეფასებებს გამოვაქვეყნებთ. ახლა კი, წარმოგიდგენთ ჩვენს შეფასებას ჯანო არჩაიას საქმეზე, 49 წლის დისტრიბუტორი, ტაქსის მძღოლი, რომელიც რეჟიმმა 2024 წლის 05 დეკემბერს დააკავა და ორგანიზებულ ძალადობრივი ჯგუფის ქმედებებში მონაწილეობას ედავება. ჯანო, სხვა პატიმრებთან ერთად, წინასწარ პატიმრობაში იმყოფება და სასჯელის სახით 4-6 წლამდე თავისუფლების აღკვეთა ემუქრება.
ჯანოს საქმის ანალიზი ცხადჰყოფს, რომ მისი პატიმრობა ევროპის საბჭოს ზემოთ ნახსენები რეზოლუციის მინიმუმ ორ, „b“ და “e”, კრიტერიუმს ერთდროულად აკმაყოფილებს. კერძოდ, ჯანოს პატიმრობა უკავშირდება მმართველი პარტიის პოლიტიკურ მოტივებს, ამასთანავე, ის დაპატიმრებულია ქმედებისთვის რასაც კავშირი არ აქვს დანაშაულთან და მისი წინასწარი პატიმრობა არის აშკარად უსამართლო სამართალწარმოების შედეგი.
ჯანო არჩაია პატიმრობიდან დაუყოვნებლივ უნდა გათავისუფლდეს!,”- აცხადებს ორგანიზაცია.
ჯანო არჩაია სხვა პატიმრებთან ერთად, წინასწარ პატიმრობაში იმყოფება და სასჯელის სახით 4-6 წლამდე თავისუფლების აღკვეთა ემუქრება.
საქართველოს დემოკრატიული ინიციატივა [GDI] “ქართული ოცნების” რეჟიმის მიერ სისხლის სამართლის წესით დაპატიმრებულ პირთა საქმეებს სწავლობს.
საქმეების ანალიზი ხდება “პოლიტიკური პატიმრის დეფინიციის შესახებ” ევროპის საბჭოს საპარლამენტო ასამბლეის N1900 რეზოლუციის კრიტერიუმებთან მიმართებით. აღსანიშნავია, რომ თუ საქმე რეზოლუციის ხუთი კრიტერიუმიდან ერთ-ერთს მაინც აკმაყოფილებს პირი პოლიტიკურ პატიმრად ითვლება.
კომენტარები