გათოვდება, თუ არა, ახალი წლის ღამეს?

გარემოს ეროვნული სააგენტოს ინფორმაციით, 6 იანვრამდე საქართველოში შენარჩუნებული იქნება უნალექო ამინდი.

დასავლეთ საქართველოს დაბლობში ჰაერის ტემპერატურა დღის საათებში +16, +21 გრადუსამდე მოიმატებს, ხოლო აღმოსავლეთ საქართველოს ბარში +8, +13 გრადუსის ფარგლებშია მოსალოდნელი.

სინოპტიკოსების პროგნოზით, ახალი წლის ღამით ჰაერის ტემპერატურა დასავლეთ საქართველოს დაბლობში +5, +10, მთაში -3, +2, მაღალმთაში -7 ,-2, აღმოსავლეთ საქაართველოს ბარში -5, 0, მთაში -8, -3, მაღალმთაში -10, -5 გრადუსია მოსალოდნელი. თბილისშიც უნალექო ამინდი იქნება. ჰაერის ტემპერატურა ახალი წლის ღამით -1, +1, ხოლო 1-2 იანვარს დღის საათებში +11, +13 გრადუსია მოსალოდნელი.

“ალია” აქვე გეტყვით იმასაც, რომ შუა დეკემბერში, მესტიის ზემოთ სოფლებში წვიმა წამოვიდა და სოფლების უხუცესებმა ხელისუფლების წარმომადგენლებს რომ უთხრეს, დეკემბრის ამ დროს (უფრო ზუსტად, 16 დეკემბერს) წვიმა არც ჩვენ გვახსოვს და არც წინაპრებისგან გაგვიგია, გლობალური დათბობა სვანეთისთვის უდიდესი პრობლემა იქნებაო. არავინ გვეუბნება, რომ იგივე სვანეთსა და რაჭაში არსებული მყინვარები ყოველწლიურად 40-დან 100 მეტრამდე რომ მოკლდებიან და მდინარეებში წყალი იკლებს, უდიდესი პრობლემაა. მხოლოდ ის ითქვა, ენგურჰესი უწყლოობის გამო გაჩერდაო და უწყლოობის მიზეზებზე ხმა არ ამოუღიათ. დანარჩენი მსოფლიო გლობალური დათბობის პრობლემის შესასწავლად მილიარდებს ხარჯავს, თუმცა ჩვენ ამისთვის ჯერ ვერ მოვიცალეთ და… პრინციპში, არც მილიარდები გვაქვს, ამ მიმართულებით რომ გავხარჯოთ