“გათენდა ეს დღეც, რომ დამთავრდა ყველაფერი, მინდა, ვიყვირო…”

პატარა ნანუკამ, რომელსაც მთელი საქართველო ულშემატკივრობდა ლეიკემია დაამარცხა. ინფორმაციას ამის შესახებ გოგონას დედა მარინა მოსიაშვილი ავრცელებს:

” მინდა ჩემი სიხარული გაგიზიაროთ. ამ სიხარულს გულში ვერ ვიტევ, მინდა ხმით ვიყვირო. 2015 წლის 12 ივნისი საშინელი დღე იყო ჩემს ცხოვრებაში, ის დღე, როცა ჩემს ერთადერთ შვილს 5 წლის ნანუკას საშინელი დიაგნოზი – ლეიკემია დაუსვეს. ჩემთვის ცხოვრება თითქოს დამთავრდა, თავზე ჩამომენგრა ყველაფერი, მაგრამ არ დავნებდით, ვიბრძოლეთ… და ახლა -2020 წლის 12 ივნისს, 5 წლის, ბევრი უძილო ღამისა და ბევრი ცრემლის, დარდისა და ვაების შემდეგ, გათენდა ეს დღეც, რომ დამთავრდა ყველაფერი. ახლა ბედნიერი დედა ვარ. ნანუკა სრულიად ჯანმრთელი მყავს.ამ წლების განმავლობაში 9 თვე ნახევარი ვიწექით იაშვილს კლინიკაში, ქიმიის სამი კურსი გაიკეთა. ძალიან მძიმედ მყავდა. 3 თვე ჩაწოლილი იყო, ვერც დადიოდა… თუმცა ყოველთვის მქონდა იმედი, რომ ნანუკას ჯანმრთელს დავიბრუნებდი.

მინდა გავამხნევო ის დედები, ვინც ახლა იბრძვის – ლეიკემია იკურნება…”