ყოფილი პარლამენტარი, დავით ზურაბიშვილი:
,,ისეთი ამბავი ატყდა რუბიოს გადმორეკვაზე კობახიძესთან, რომ მგონი ხალხს სერიოზულად ეგონა, თითქოს საქართველოს ხელისუფლებას ამერიკა და ევროპა ისევე არ აღიარებდა, როგორც მანანა არჩვაძე პუტჩის შემდგომ ხელისუფლებას.
ბიძინასთან კი არა კაციჭამია ბოკასას რეჟიმთან ურთიერთობდა ფორმალურად მთელი დასავლეთი, მაშინ როცა, ტიპს ჩაციებული ოპოზიციონერების სხეულის ნაწილები ჰქონდა შენახული მაცივარში.
ბიძინას რეჟიმთან რომ მინიმალურ დონეზეა ფორმალური ურთიერთობა, ეს იმის გამოა, ამ რეჟიმმა ევროპასთან კონფრონტაციის გზა რომ აირჩია და უკრაინის ომში ფაქტობრივად რუსეთის მხარე დაიჭირა და არა იმიტომ, რომ კობახიძეს პრემიერის ნაცვლად ივანიშვილის პრემიერს ვეძახით. გარწმუნებთ, სულ ცალ ფეხზე ჰკიდია ცივილიზებულ სამყაროს როგორ მოვიხსენიებთ ოცნების დეპუტატებს და მინისტრებს.
საქართველოში პროტესტი რომ არ წყდება, ამას, რასაკვირველია, აქვს სერიოზული მნიშვნელობა, რადგან ეს ერთგვარი დასტურია იმისა, რომ საქართველოს მოქალაქეები არ ეგუებიან ოცნების ანტიევროპულ პოლიტიკას, მაგრამ თუ ვინმეს იმის ილუზია გაუჩნდა, რომ ამის გამო საქართველოს მთავრობას არავინ არსად არ დაელაპარაკება და არავინ არასდროს არ დაურეკავს, ძალიან ცდება. საგარეო ზეწოლა სანქციების გარდა კონტაქტებსა და დალაპარაკებასაც გულისხმობს.
რაც უფრო მეტი და ხშირი კონტაქტები იქნება ამერიკასთანაც და ევროკაშირთანაც, ეს ცუდი კი არა, პირიქით კარგია ხელისუფლებისთვისაც, ოპოზიციისთვისაც, სამოქალაქო საზოგადოებისთვისაც და საერთოდ ქვეყნისთვისაც. აბა ამის ალტერნატივა რომელ ქვეყნებთან კონტაქტია, კი იცით და ის ქვეყნები არც სინდისის პატიმრების გათავისუფლებას რომ არ მოითხოვენ ასი წელი და არც უაზრო დრაკონული კანონების გაუქმებას, ისიც კარგად მოგეხსენებათ. სამაგიეროდ აფხაზეთის და სამხრეთ ოსეთის დამოუკიდებლობის აღიარებას მოითხოვს, არ დავასახელებ და ერთი ჩრდილოელი მეზობელი და ჩინეთი გააპროტესტებს ამას, არაბეთის გაერთიანებული ემირატი თუ თურქმენეთი გადაიჭრის ვენებს?
ჰოდა, რომელი ჯობია?“
კომენტარები