“გარდამტეხი ეტაპი შიდსის წინააღმდეგ – ინიექცია, რომელიც აჩვენებს თითქმის სრულ ეფექტიანობას” – ზაზა წერეთელი

მეცნიერული მტკიცებულებები დამაჯერებელია: კლინიკურმა ცდებმა აჩვენა თითქმის 100%-იანი ეფექტიანობა როგორც ქალებში, ისე მამაკაცებში. აშშ-ის სურსათისა და წამლის ადმინისტრაციამ (FDA) დაამტკიცა პრეპარატი ივნისში, ხოლო ჯანმომ (WHO) ის რეკომენდაციაში შეიტანა როგორც დამატებითი ალტერნატივა აივ-ის რისკის მქონე ადამიანებისთვის. გზავნილი მარტივია — ნაკლები დოზა, ნაკლები ვიზიტი კლინიკაში და უფრო მეტი დაცვა.

მაგრამ დღეს მთავარი კითხვა არ არის — შეგვიძლია თუ არა აივ-ის პრევენცია; არამედ — ექნება თუ არა ყველას ამ პრეპარატის მიღების საშუალება

კრიტიკოსები სულ უფრო მეტად გამოთქვამენ შეშფოთებას, რომ ლენაკაპავირი შესაძლოა ვერ მიაღწიოს იმ ადამიანებამდე, ვისაც ის ყველაზე მეტად სჭირდება. მიუხედავად იმისა, რომ Gilead-მა მისცა ლიცენზია გენერიკული ვერსიის წარმოებაზე 120 დაბალი შემოსავლის მქონე ქვეყანას, ლათინური ამერიკის თითქმის სრული გამორიცხვა — რეგიონი, სადაც აივ-ის გავრცელება ჯერ კიდევ შედარებით დაბალია, მაგრამ მზარდია — დიდი შეშფოთების საფუძველს იძლევა. ეს უბრალოდ დაკარგული შანსი კი არ არის — ეს არის მიმდინარე პოლიტიკის მარცხი.

მხოლოდ გასულ წელს ამ რეგიონში შიდსს ემსხვერპლა 630,000 ადამიანი. დღეს მსოფლიოში 40 მილიონზე მეტი ადამიანი ცხოვრობს აივ-ით. მწარე რეალობა ასეთია: გარდამტეხი მედიკამენტი არაფერს ნიშნავს, თუ მას გეოგრაფიული ან ეკონომიკური ბარიერები აკრავს.

ლენაკაპავირს შეუძლია დაასრულოს აივ როგორც საზოგადოებრივი ჯანდაცვის საფრთხე. მეცნიერებამ უკვე თავისი გააკეთა. ახლა პასუხიმგებლობა ეკისრება პოლიტიკას და გადაწყვეტილებებს