“გამოვიყენებ ყველასათვის გასაგებ სიტყვას…” – რა სიტყვებს ვერ ვიგებთ და რა სიტყვაა ყველასთვის გასაგები?

კულტურის მინისტრმა, თეა წულუკიანმა გელათის სამონასტრო კომპლექსზე საუბრისას განაცხადა:

„მთავარი არის ის, რომ დროებითი გადახურვა, რომელიც პირდაპირ რბილად რომ ვთქვათ, არ უხდება ამ ძელგს, მაგრამ არის აუცილებელი, უზრუნველყოფს იმას, რომ წყალი იქ აღარ ჩადის, თუმცა უკვე წარსულში ჩასული წყლის გამო, ფილტრაციის გამო როგორც მას ვუწოდებთ, რა თქმა უნდა, ტენიანობა არის ტაძარში.

ამიტომ კიდევ ერთხელ, ყველას გთხოვთ, თავი შეიკავეთ შესაბამისი უფლებამოსილების გარეშე, მესმის, რომ გინდათ სკანდალი, მაგრამ გელათს არ სცალია სკანდალებისთვის, თავი შეიკავეთ ხარაჩოებზე სიარულისგან რადგან ძეგლთა დაცვის სააგენტო ფიქრობს, რომ შესაძლებელია ამგვარმა მოძრაობამ არაპროფესიონალების მიერ ხარაჩოებზე კიდევ მეტად დააზიანოს ფრესკები.

მინდა ყველას გთხოვოთ, გამოვიყენებ ასეთ ყველასათვის გასაგებ სიტყვას, ნუ დაბოდიალობთ ხარაჩოებზე.”