“გამოუშვას სააკაშვილი და ნაცებს სულ დაავიწყდებათ სამშობლოს ღალატი, გარეჯის საქმე, სისხლიანი ბანერები” – ჩერგოლეიშვილი

“ტაბულას” დამფუნებელი, თამარ ჩერგოლეიშვილი:

“ალტინფოს მოკავშირეები სალომე ზურაბიშვილს საკონსტიტუციოში უჩივიან, ევროპელებს შეხვდაო.

ძალიან ლოგიკურია.

ბიძინა ივანიშვილიც შეხვდება ფრანგი პენსიონერის რანგში, პუტინის განადგურების გარდაუვალობაში რომ დარწმუნდება – ეს არ იცის მდინარაძემ ეტყობა.

ნაციონალურ მოძრაობასთან ყველაფერი გასაგებია – მათთვის ყველაფერი სააკაშვილით იზომება. სწორი ისაა რაც სააკაშვილს უნდა, არასწორი ისაა, რაც არ უნდა. თუ იტყვის რომ დღეა, ღამეც რომ იყოს, დღეა, მაგრამ შეიძლება თქვას მალევე რომ ღამეა და წინააღმდეგობას მის სექტაში ვერავინ დაინახავს და რომც დაინახოს, არ აღნიშნავს.

ასე რომ სალომეს ქება დიდებას არ დააკლებენ, თუ შეატყვეს, რომ მიშას შემწყალებელია – აქა, იქ სალომეზე დარდს მოვკარი თვალი და ნუ იდარდებთ – ნაცების განეიტრალება სალომეს იოლად შეუძლია, გამოუშვას სააკაშვილი და ნაცებს სულ დაავიწყდებათ სამშობლოს ღალატი, გარეჯის საქმე, სისხლიანი ბანერები და ქვეყანაზე ომის დაბრალება, როგორც გუბაზი ჩაიკრეს გულში, ისე ჩაიკრავენ. მათი სამშობლო სააკაშვილამდე შემცირდა.

p.s. ნაცებსა და ევროპულ საქართველოსაც შორის ხომ ფუნდამენტური განსხვავება ეგაა?

ნაცების პარტიული ნომენკლატურის და აქტივის სამშობლო არის მიშა სააკაშვილი – ეგაა იდეა.

ჩვენი სამშობლო საქართველოა და იდეა – ლიბერალურ დემოკრატიაზე დაფუძნებული რესპუბლიკა! თითოეული მოქალაქის თავისუფლება, სიცოცხლის და ბედნიერებისკენ სწრაფვის უფლება.”