“გამოკვეთილია დანაშაულის ნიშნები, თუმცა პასუხისგებაში არ მიეცა ნინო ნადირაძე” – “ადამიანის უფლებათა ცენტრი”

როგორ მუშაობს საქართველოს სამედიცინო სისტემა – კვლევას “ადამიანის უფლებათა ცენტრი” აქვეყნებს.  ორგანიზაცია სამედიცინო მომსახურებისას დაზარალებული მოქალაქეების საქმეებს ასაჯაროვებს.

კვლევის მიხევით, კლინიკა ვივამედში, ღვიძლის ტრანსპლანტაციის არასწორად ჩატარებულ ოპერაციას ახალგაზრდა მამაკაცი შეეწირა, ამ საქმეზე კი ოჯახი გამოძიებას  უშედეგოდ ითხოვს.

“საქმე ეხება კლინიკა “ლანცეტს” დღეს “ვივა მედის” სახელით აგრძელებს საქმიანობას.  ამ საქმეში გამოკვეთილია დანაშაულის ნიშნები. პასუხისგებაშია მიცემული კონკრეტული პირი, რომელიც იხდის დღეს სასჯელს, თუმცა პასუხისგებაში არ მიეცა სხვა პასუხისმგებელი პირები, მათ შორის, ნინო ნადირაძე, – ამბობს “ადამიანის უფლებათა ცენტრის” აღმასრულებელი დირექტორი ალეკო ცქიტიშვილი. 

ანგარიშში მოხვდა იაშვილის ბავშვთა კლინიკა:

მივიყვანეთ იაშვილის ბავშვთა კლინიკაში და დაუგვიანეს მანიპულაცია ბავშვს, რის შედეგადაც გაუჩერდა გული და დაუზიანდა ტვინი. ძალიან დამძიმებულია ბავშვი, მეათე წელია მანდ არის და ვიბრძვით, ფაქტობრივად, იმისთვის, რომ ბავშვი რაღაცნაირად ვაცოცხლოთ, – ამბობს დაზარალებული.