ეროვნულ დემოკრატიული ინსტიტუტის კვლევის თანახმად, გამოკითხული მოქალაქეების 53% ეთანხმება მოსაზრებას, რომ მორწმუნეები კორონავირუსით დაინფიცირებისგან რწმენამ დაიცვა. გამოკითხულთა 38% ამ მოსაზრებას არ ეთანხმება.
გამოკითხული მართლმადიდებლების მხოლოდ 10-მა პროცენტმა განაცხადა, რომ სააღდგომო ლიტურგიას დაესწრო.
კვლევის თანახმად, 30 პროცენტი ფიქრობს, რომ კორონავირუსი ლაბორატორიაში შეიქმნა და გამიზნულად გავრცელდა, ხოლო 22% ფიქრობს, რომ ლაბორატორიაში შეიქმნა, მაგრამ შემთხვევით გავრცელდა. გამოკითხულთა 13 პროცენტი ამბობს, კორონავირუსი ბუნებრივად გაჩნდა.
კვლევა 26-30 ივნისის პერიოდში საქართველოს მასშტაბით 1 550 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა.
კომენტარები