პრეზიდენტის ადმინისტრაციაში შს მინისტრის ვიზიტი ცოტა ხნის წინ დასრულდა. სავარაუდოა, რომ ვახტანგ გომელაურმა პრეზიდენტთან ადმინისტრაციულ კოდექსზე ვეტოს დადების საკითხი განიხილა.
სალომე ზურაბიშვილთან შესახვედრად ცოტა ხნის წინ უმრავლესობის წევრები მიხეილ სარჯველაძე და მამუკა მიდინარაძეც მივიდნენ. შს მინისტრის მსგავსად მედიასთან კომენტარი არც მათ გაუკეთებიათ.
კანონპროექტზე საუბრისას „ქართული ოცნების“ დეპუტატმა მიხეილ სარჯველაძემ განაცხადა, რომ ვეტოს შემთხვევაში კონსტიტუციის თანახმად, ვეტოს დადების არგუმენტაციაც უნდა იქნას განხილული.
მმართველ გუნდთან შეხვედრამდე სალომე ზურაბიშვილს შეთანხმების აქტზე ხელმომწერი ოპოზიციაც შეხვდა, რომელმაც პრეზიდენტს ვეტოს გამოყენების თხოვნით მიმართა.
“გირჩის” წევრის, იაგო ხვიჩიას აზრით, სალომე ზურაბიშვილი ვეტოს დადებას აპირებს.
დაადებს თუ არა ვეტოს ადმინისტრაციულ სამართდალდარღვევათა კოდექსში ცვლილებას, მალე გახდება ცნობილი.
კომენტარები