პოლიტიკოსი, ეკა ბესელია, “ტვ პირველთან” სახელმწიფო ინსპექტორის სამსახურის გაუქმებაზე საუბრისას, ამბობს:
“ამ უწესო წესს იყენებენ დეკემბრის ბოლოს.. საგანგებო სხდომის დროს, როდესაც დაჩქარებული წესით შემოგაქვს ასეთი უმნიშვნელოვანესი რეფორმა, რომელიც ცვლის დამოუკიდებელ საგამოძიებო ინსტიტუტს და ისე ცვლი, რომ არავის ატყობინებ, აკეთებ პარტიზანული წესით, ეს ისეთი ღია შურისძიების ოპერაციაა, რომ დიდი დიაგნოზი არ სჭირდება. 2013 წლიდან ვიბრძვით ამ სამსახურის შესაქმნელად. არ მისაუბრია აქამდე, მაგრამ ძალიან დიდი შიდა ჭიდილი იყო, რომ ეს სამსახური შექმნილიყო. როგორც კი დაიწყო ამ სამსახურმა დამოუკიდებელი მოქმედება, აჩვენა რომ ობიექტური დასკვები დადო, ინსპექტორს პარლამენტი ირჩევს და პარლამენტის გარეშე მისი გათავისუფლება არავის შეუძლია. რითი შეიძლება გაანეიტრალონ? მოდი მოვიფიქროთ კანონში ცვლილება, გავყოთ ეს სამსახური და დავაბრალოთ ყველას გათავისუფლება რეორგანიზაციას.
კვირიკაშვილმა დაუჭირა მხარი მთავრობის დონეზე ამ სამსახურის შემქნას, თავის დროზე. მე განსაკუთრებით ვლობირებდი მის შემქნას. გახარიას რატომ ახსენებენ გეტყვით – ლონდა თოლორაია არჩეული იყო გახარიას პერიოდში, ამიტომ აკავშირებენ, თორემ, გახარიას დროს არ შექმნილა ეს სამსახური, ჯერ თამარ ქალდანი ავირჩიეთ ჩვენ. იცით რა მანდატი აქვს? შეუძლია რეალურ დროში სატელეფონონ კომუნიკაციების მოსმენა. იცით რამდენი გაუქმება აქვს მოსმენების? ეს ხდებოდა ქალდანის დროსაც და ლონდა თოლორაიას დროსაც. ვხედავდი, როგორ ძლიერდებოდა ეს სამსახური და გადაწყვიტეს დასჯა. ეს უმაღლეს პოლიტიკურ ვერტიკალში მიღებული გადაწყვეტილებაა.
ვარაუდით უნდა ვთქვა, არ ვიცი, ივანიშვილთან ვის რა კომუნიკაცია აქვს, მაგრამ უმაღლეს პოლიტიკურ დონეზეა ეს გადაწყვეტილება მიღებული და არა ოხანაშვილის დონეზე. ოხანაშვილი არის ყველაფერის შემსრულებელი, უთავმოყვარეო… ავტორი არაფორმალურად იქნება, რასაც დაავალებენ არც კი შეეწინააღმდეგება, იმიტომ ზის იმ თანამდებობაზე, ყველაფერზე თავს უკრავს…
მიხეილ სარჯველაძეს მინდა მივმართო, მაშინ ის გამოდიოდა ჩემთან კომიტეტზე და მხარს უჭერდა, როდესაც ასეთ დიდ დარტყმას აყენებენ ადამიანის უფლებებს, აუცილებლად უნდა ილაპარაკოს.
ამას ძალიან მწვავე რეაქცია მოჰყვება.”
კომენტარები