“გახარია უცნაურ ტანგოს ცეკვავს” – ელისაშვილი

კოალიცია ძლიერი საქართველოს ერთ–ერთმა ლიდერმა, ალეკო ელისაშვილმა, ტვ პირველთან, თქვა:

ლევან ხაბეიშვილთან მე ცუდი ურთიერთობა არასოდეს მქონია, მამაჩემს ძაან მოსწონს, ოღონდ, საკრებულოში უფრო ნაყიფიერი და ყოჩაღი იყო… მე რომ ნაცენი მიკრიტიკებია და მე რომ ნაცებთან დაპირისპირებული ვიყავი, სახლში მშვიდობით თუ მივიდოდი არ ვიცოდი, მაგრამ ახლა ყველას ვუწვდი ხელს. სალომე ზურაბიშვილი დღეს არის სიტუაციური ლიდერი. მიშაც, ამ თავის ეგოს ვერ მოერია, გამოდი და თქვი, რომ დავირაზმოთ ყველა სალომეს გარშემო. 

ვიმსჯელოთ, გავდივართ არჩევნებში და ვანგრევთ ერთად? – გავდივართ, არ გავდივართ და არ გავდივართ.

ხოდა, იმას კიდევ, გახარიას… სულ რაღაცა უცნაურ ვალსს და ტანგოს თამაშობს, გახარიას ძალიან მაგარი რაღაც უთხრა მაკო გომურმა, რომელსაც სიცოცხლე და ჯანმრთელობა დაუმახინჯა თვითონ გახარიამ. უთხრა, მე შენს გვერდით ვდგავარ ქუჩაში, რადგან ახლა ქვეყანა გასაჭირშიაო. ასეთ სახელმწიფოებრივ ფრაზას რომ გოგო გეტყვის, რომელსაც შენ ჯანმრთელობა დაუზიანე, ეს მისთვის მაგალითი უნდა იყოს, მისი ეს მანევრები ჩემთვის გაუგებარია, მოდი რა, ცოტა კაცურად და ადამიანურად მივუდგეთ ყველაფერს.