Financial Times–ის ინფორმაციით, ჩინეთი მზადყოფნას გამოხატავს, რუსეთს, უკრაინაში შეჭრის მხარდასაჭერად სამხედრო დახმარება გაუწიოს.
გამოცემის ცნობით, ჩინეთის პოზიციაზე აშშ-მა მოკავშირეები უკვე გააფრთხილა.
როგორც Financial Times ორ მაღალჩინოსანზე დაყრდნობით წერს, რომელიც იცნობს ვაშინგტონის მიერ მოკავშირეებისთვის გაგზავნილ შეტყობინებას, რუსეთმა ჩინეთს 5 ტიპის აღჭურვილობით დახმარება სთხოვა, მათ შორისაა სამხედრო თვითმფრინავების გამანადგურებელი სახმელეთო სარაკეტო სისტემა.
ამასთან, სხვა კატეგორიის იარაღი, რაც რუსეთმა მოითხოვა, მოიაცავს დრონებს, სადაზვერვო აღჭურვილობას, ბრონირებულ მანქანებს და მანქანებს, რომლებიც გამოიყენება ლოჯისტიკისა და მხარდაჭერისთვის. ამასთან, Financial Time-ის ინფორმაციით, შეტყობინებაში, რომელიც აშშ-მ მოკავშირეებს გაუგზავნა, არ არის დაკონკრეტებული დახმარების დონე და დრო, როდესაც მოსკოვი პეკინისგან დახმარებას მიიღებს.
შეგახსენებთ, რუსეთი უკრაინაში 24 თებერვალს შეიჭრა და საომარი მოქმედებები თითქმის სამი კვირა მიმდინარეობს.
კომენტარები