უფლებადამცველი გიორგი ბურჯანაძე სოციალურ ქსელში წერს:
,,ევროსასამართლომ გამოიტანა საინტერესო გადაწყვეტილება ადვოკატ მიხეილ რამიშვილის საქმეზე და მისი უფლებების დარღვევა დაადგინა.
საქმე შეეხებოდა ცილისწამების გამო დავას, სადაც ადვოკატს დააბრალეს უსაფრთხოების სექტორთან თანამშრომლობა. ქართულმა სასამართლომ არ გაიზიარა მიხეილ რამიშვილის არგუმენტები და განაცხადა რომ რაც მასზე თქვა სასულიერო პირმა, არა ფაქტები, არამედ, მხოლოდ შეფასებები იყოო.
ევროპულმა სასამართლომ არ გაიზიარა ქართული სასამართლოს შეფასება და პირადი ცხოვრების უფლების დარღვევა დაადგინა, რის გამოც სახელმწიფო ბიუჯეტიდან 10 000 ევრომდე თანხის გადახდა დაევალა საქართველოს.”
სოციალურ ქსელში განმარტებას აკეთებეს თავად ადვოკატი მიხეილ რამიშვილი:
,,კიდევ ერთი გამარჯვება, მხოლოდ მოსამართლე ირაკლი კოპალიანი იყო ქართულ სასამართლოში, რომელმაც მიიღო ისეთი გადაწყვეტილება, რომელიც თანხვედრია სტრასბურგის სასამართლოს გადაწყვეტილების. ვულოცავ ჩემს წარმომადგენელს კოლეგას მაგდა რატიანს ამ გამარჯვებას. საპატრიარქო, რომელიც ელოდებოდა საბოლოო გადაწყვეტილებას და თავს არიდებდა საეკლესიო სასამართლოს ჩატარებას, მინდა შევახსენო, საეკლესიო სასამართლოს ჩატარების დროა, თქვენი შეტყობინებები მაქვს, სადაც ელოდებოდით საბოლოო გადაწყვეტილებას. ბრძოლა გრძელდება“
კომენტარები