„ევროკავშირში ელჩი იყო და როცა რუსეთი თავს დაგვესხა, ომი გაჩაღდა, ერთ ქვეყანასაც ვერ გააკეთებინა განცხადება და სანქცია ვერ დააწესებინა“ – ზარქუა სამადაშვილზე

„ოცნების“ წევრი, ირაკლი ზარქუა „ლელოს“ წევრ, სალომე სამადაშვილზე:

„მათ სიტყვას რომ ფასი არ აქვს, ამას ხომ გეუბნებოდით? – 2020 წელს თქვეს, რომ პარლამენტი არალეგიტიმურია და არ შემოვალთო, შემდეგ შემოვიდნენ და ძლივს გავაგდეთ. მათ პრინციპი არ აქვთ, რასაც დაუკვეთავენ, ისე მოიქცევიან. თავიდან ამბობდნენ, რომ ადგილობრივ არჩევნებში მონაწილეობას არ მივიღებთო, წინააღმდეგობის პლატფორმას და სიგიჟეებს იგონებდნენ, მაგრამ ახლა მიხვდნენ, რომ ისე არ გაქრნენ, როგორც „კარენოი“ „ნაცმოძრაობა“, გადაწყვეტილება მიიღეს, რომ ყველა აქამდე ნათქვამ არგუმენტს ხაზი გადაუსვან და თვითმმართველობის არჩევნებშიც  მიიღონ მონაწილეობა. სალომე სამადაშვილი ხელმოცარული დიპლომატია. ხომ იცით, რატომ ვეძახი? – წლების განმავლობაში, ევროკავშირში ელჩი იყო და როცა რუსეთი თავს დაგვესხა, ომი გაჩაღდა, ერთ ქვეყანასაც ვერ გააკეთებინა განცხადება და სანქცია ვერ დააწესებინა. ეს ქალი მორალს გვიკითხავდა. მისი ამორალური მორალის გაგრძელებაა ისიც, რომ არალეგიტიმურ არჩევნებში მონაწილეობას არ მივიღებო და ახლა რა შეიცვალა? სალო, რა შეიცვალა? იგივეა ცესკო, მმართველი პარტიაც, ირაკლი კობახიძე პრემიერ-მინისტრია. რატომ იღებენ მონაწილეობას ადგილობრივ არჩევნებში, რის იმედად? საერთოდ რომ არ გაქრნენ? პატრონებმა დაუკვეთეს? – ამიტომაც არიან იქ, სადაც არიან და ასე იქნებიან, ვიდრე უცხო ქვეყნის დაკვეთის მოლოდინში იქნებიან. ჯერ სად არიან, მათი ამომრჩეველი ბოლოს მოუღებთ – ვინც აპამპულავეს და გადააგდეს. დარწმუნებული ვარ, ჩემი „ხაბეც“ აბობოქრდება და ის ცალკე მისცემთ „კონტროლკას“