“არადა, რუსეთს ეს უფრო გააღიზიანებს, ვიდრე სანქციები ჩვენი მხრიდან” – მერაბ მეტრეველი

არადა, სინამდვილეში ყველაფერი ისევ ეროკავშირის დამსახურება და გადაწყვეტილებაა. სწორედ მათ უთხრეს ჩვენს მთავრობას, შემოიტანეთო და ამათაც შეაქვს. სულ ეგაა.

მართლა გჯერათ, რომ ან ოპოზიციის მუქარით, ან აქციებით შეშინებულმა მთავრობამ გააქანა და ევროკავშირთან კონსულტაციების გარეშე განაცხადი გლიჯა? და მოლდოვის მთავრობა ვინ შეაშინა?

კითხულობენ, აბა, 2 მარტს რატომ უარობდა კობახიძე შეტანასო? ძალიან მარტივია: 2 მარტს თავად ევროკავშირში არ იყვნენ ჯერ ჩამოყალიბებულნი, მარტო უკრიანისთვის უნდა მიეცათ კანდიდატის სტატუსი, თუ საქართველო და მოლდოვაც მიეყოლებინათ. შესაბამისად, რადგან კობახიძეს იქედან თანხმობა არ ქონდა, თქვა ის, რაც თქვა. მეორე დღეს ევროკავშირი ჩამოყალიბდა, უთხრა ამათ შემოიტანეთო და ამათაც შეაქვთ. სულ ესაა.

ახლა იძახეთ, არა ჩვენი დამსახურებაა, არა ჩვენიო. გლობალურად კი ბატონო, ყველას დამსახურებაა, ვინც ეს წლები დასავლურ კურს ლობირებს. ხელისუფლების დამსახურება ისაა, რომ ამ შემოთავაზებაზე უარი არ თქვა რუსეთის შიშით. არადა, რუსეთს ეს უფრო გააღიზიანებს, ვიდრე სანქციები ჩვენი მხრიდან.”