ევროკავშირის წევრი ქვეყნების თავდაცვის მინისტრები დღეს ბრიუსელში შეიკრიბებიან და უკრაინისთვის სამხედრო მხარდაჭერის უზრუნველყოფას და რუსეთიდან მომდინარე ჰიბრიდულ საფრთხეებს განიხილავენ.
ევროკავშირის მინისტრების შეხვედრას უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი უხელმძღვანელებს. შეხვედრას შეუერთდება უკრაინის თავდაცვის მინისტრი, ევგენი ხმარაც, რომელიც მონაწილეებს ვიდეოკონფერენციის მეშვეობით მიმართავს.
მინისტრები ყურადღებას გაამახვილებენ ისეთ თემებზე, როგორიცაა საჰაერო თავდაცვა, ევროკავშირის სასწავლო მისია უკრაინის სამხედროებისთვის, სამრეწველო თანამშრომლობა და რუსეთის „ჩრდილოვანი ფლოტის“ წინააღმდეგ მოქმედება.
მინისტრები ასევე გაცვლიან მოსაზრებებს ჰიბრიდულ საფრთხეებსა და ახლო აღმოსავლეთში არსებულ ვითარებასთან დაკავშირებით. ასევე განიხილება თავდაცვის სფეროში შესყიდვების საკითხი.
კომენტარები