საქართველოს ოფიციალური ვიზიტით ეუთოს მოქმედი თავმჯდომარე, შვედეთის სამეფოს საგარეო საქმეთა მინისტრი ენ ლინდე ეწვია.
ვიზიტის ფარგლებში, შვედ დიპლომატს შეხვედრა აქვს დაგეგმილი საქართველოს პრეზიდენტთან, პრემიერ-მინისტრთან და პარლამენტის თავმჯდომარესთან. პირველი აუდიენცია კი საქართველოს ვიცე-პრემიერ, საგარეო საქმეთა მინისტრ დავით ზალკალიანთან შედგება.
შეხვედრისას შვედეთთან, როგორც ეუთოს თავმჯდომარე ქვეყანასთან საერთაშორისო თანამშრომლობის აქტუალურ საკითხებს განიხილავენ.
განსაკუთრებით მნიშვნელოვანია ის, რომ რუსეთ-საქართველოს კონფლიქტის მოგვარების პროცესში აქტიური ჩართვა შვედეთის თავმჯდომარეობის ერთ-ერთი მთავარი პრიორიტეტია. ვიზიტის ფარგლებში, შვედეთის პირველი დიპლომატი ეწვევა საოკუპაციო ხაზთან მდებარე სოფელ ხურვალეთს.
კომენტარები