საქართველოში ევროკავშირის წარმომადგენლობა Erasmus+ პროგრამის მეშვეობით განხორციელებულ საგანმანათლებლო პროექტებზე ინფორმაციას აქვეყნებს და წერს, რომ ბოლო ათწლეულების განმავლობაში, აღნიშნული პროგრამის მეშვეობით 13 000 -ზე მეტმა სტუდენტმა და აკადემიური პერსონალის წარმომადგენელმა საქართველოდან ისწავლა და გაიარა ტრენინგები ევროპაში.
მათივე ინფორმაციით, სტუდენტების მგზავრობის, სწავლისა და ცხოვრების ხარჯები სრულად იყო დაფინანსებული ევროკავშირის მხრიდან.
ბოლო ათწლეულების განმავლობაში, Erasmus+ პროგრამის მეშვეობით 13 000-ზე მეტმა სტუდენტმა და აკადემიური პერსონალის წარმომადგენელმა საქართველოდან ისწავლა და გაიარა ტრენინგები ევროპაში. მათი მგზავრობის, სწავლისა და ცხოვრების ხარჯები სრულად იყო დაფინანსებული ევროკავშირის მხრიდან. ამ გაცვლებმა კარი გაუღო განათლებასა და ინოვაციებს, რაც ახალგაზრდებს საქართველოდან დაეხმარა ახალი უნარების, პერსპექტივებისა და კარიერული შესაძლებლობების შეძენაში.
Erasmus Mundus პროგრამის მიერ ერთობლივი სამაგისტრო პროგრამების სტიპენდიით 290 ქართველმა სტუდენტმა ისწავლა ევროპის წამყვან უნივერსიტეტებში – რამაც მათ აკადემიურ წარმატებასა და პროფესიულ ზრდას შეუწყო ხელი.
ამავდროულად, 22 000-ზე მეტმა ახალგაზრდამ საქართველოდან მონაწილეობა მიიღო ევროკავშირის მიერ დაფინანსებულ ახალგაზრდების სასწავლო მობილობაში, კულტურულ პროექტებსა და სასწავლო პროგრამებში, რაც დიალოგს, ჩართულობას და საერთო ევროპული ღირებულებების გაზიარებას აძლიერებდა.
🇬🇪🇪🇺 ევროკავშირის ფარგლებს გარეთ პარტნიორ ქვეყნებს შორის საქართველო მე-4 ადგილზეა Erasmus+ პროგრამის საშუალებით გამავალი მობილობის მხრივ – რაც ასახავს საქართველოს მოქალაქეების სურვილს მიიღონ ცოდნა, გამოცდილება დაამყარონ კავშირები ევროპაში“, – ნათქვამია ინფორმაციაში.
კომენტარები