“ეთერს მათხოვრობდი”, “შენმა ნაცმომ ჩამოშალა” – გვარამიას და გიორგი ვაშაძის “დიალოგი”

ნიკა გვარამია, გიორგი ვაშაძის კომენტარს, სოციალური ქსელით ეხმიანება:

“ბატონო Giorgi Vashadze

რა ჩემ მიერ მხარდაჭერილმა ძალებმა, თან ჩემი მონაწილეობით, დაგიყენეს ისანში კანდიდატი? თან იმ ისანში, სადაც მეორე ადგილზეც ვერ გახვედით? რა მთავარი არხი გიძღვნიდათ ბინძურ სიუჟეტებს?! რას ქვია არ დაგირეკეს? პასუხზე რომ უარი თქვით, თქვენ არ იყავით?!! ეთერს რომ მათხოვრობდით წინასაარჩევნოდ და ახლა ვერ მოგიყვანეთ სტუდიაში, თქვენ ის გიორგი ვაშაძე არ ხართ?!!

უკაცრავად, რა ისტერიკა, სიგიჟე და ბინძური ტყუილია?!!

მობრძანდით დღეს ეთერში და მომიყევით მეც და მაყურებელსაც ვის და რაში ადანაშაულებთ?!!

ძალიან სირცხვილია.”

გიორგი ვაშაძე, გვარამიას პოსტზე კომენტარს წერს:

“რა არის სირცხვილი? დამირეკე გაარკვიე და არ გითხარი პასუხი? რაც სიმართლეა ის ვთქვი და ოპოზიციის პოზიციები შენს მიერ მხარდაჭრილმა ნაცმომ ჩამოშალა და ეგ ფაქტია. ის რაც გააკეთეთ დღეს ნამდვილად აზიანებს ყველაფერს! აშკარად განსხვავებულად ვფიქრობთ ყველაფერზე”

ნიკა გვარამია:

“დაგირეკეს გიორგი და პასუხი არ გაგვეცი. ეს პირველი. მე ვინ კანდიდატი დაგიყენე, ხო არ გადაირიე შენ, ეს ორი. წინასაარჩევნოდ სად გებრძოდა მტავარი არხი, რა სიუჟეტებს გიძღვნიდა, არ გრცხვენია?! ვინ გაშუქებდა უკეთ და მეტი დოზით??? რას ქვია ჩემ მიერ მხარდაჭერილმა ნაცმომ ჩამოშალა? ნაცმო თავის პასუხს გაგცემს, და მე მე ვარ გიორგი, ჩემთან თუ ლაპარაკობ, მე მელაპარაკე. ძალიან დაუმსახურებელი და სამარცხვინო შეტევა იყო ჩემზეც და ჩემს არხზეც, შენს ყველაზე დიდ მოკავშირეებზე წინასაარჩევნოდაც და ახლაც. გვაქვს ინფო 7 კაცზე და გვინდოდა მიგვეღო პასუხი. დავრეკეთ ყველასთან და ვინც გვიპასუხა – გავუშვით, ვინც არა (შენ მათშორის) ვთქვით რომ ჯერ კომენტარი არაა.”