“ესეც ტყუილია, ნიკა მელიას ნათქვამი არ გახლავთ ცხელი შემოდგომა” – აპირებდა, თუ არა, ნაციონალური მოძრაობა “ცხელ შემოდგომას”?

ტელეკომპანია “ფორმულას” ეთერში, ნაციონალური მოძრაობის ერთ-ერთი ლიდერი, ეკა ხერხეულიძე, პასუხობს, ჟურნალისტ, გიორგი თარგამაძის კითხვებს.

გიორგი თარგამაძე:

-ჩვენ შუა ზაფხულში, გასული წლის, გვქონდა ასეთი მოცემულობა, დაახლოებით იგივე თქვა ნიკა მელიამ, რომ ამ რეჟიმთან, მანამდე არსებული მეთოდების გამოყენებით ან ნაციონალური მოძრაობის რესურსის გამოყენებით, შეუძლებელი იყო ავტორიტარული ბარიერის გადალახვა და ამიტომ დიდი საერთო ოპოზიციური გაერთიანება და ცხელი შემოდგომა იყო მოსალოდნელი, კითხვენი გააჩინა ამან, ამას ვისმენთ, რომ რატომ ჩაკვდა ეს პროცესი, რატომ არ მოჰყვა კონკრეტული ინიციატივები…

ეკა ხერხეულიძე:

-კონკრეტულად რა პროცესს გულისხმობ, გიორგი?

გიორგი თარგამაძე:

-ცხელი შემოდგომა…

ეკა ხერხეულიძე:

-ესეც ტყუილია, ნიკა მელიას ნათქვამი არ გახლავთ ცხელი შემოდგომა.

გიორგი თარგამაძე:

-ცხელი შემოდგომა არ იყო ნიკა მელიას სიტყვები?

ეკა ხერხეულიძე:

-არა, არ არის, არ არის ეგეთი რამე.

გიორგი თარგამაძე:

-ის რომ ცხელი შემოდგომა ელის საზოგადოებას, მისი ტერმინი არ იყო?

ეკა ხერხეულიძე:

-ზურაბ ჯაფარიძის ნათქვამში გეშლებათ. თუ გულისხმობთ რიგგარეშე არჩევნებს, ეს სრულიად სხვაა. ცხელი შემოდგომა არ ეკუთვნის ნიკა მელიას.

გიორგი თარგამაძე:

-10 სექტემბერი, 2022 წლის, ბატონი ნიკა მელიას განცხადების ნაწყვეტი – წინ უბრალოდ პოლიტიკურად ცხელი კი არა, საეტაპო შემოდგომა გველის, ამ შემოდგომით გადაწყდება, გაზაფხული საქართველოში დადგება თუ თბილისის გუბერნიაში.

ეკა ხერხეულიძე:

-ეს იყოკითხვაზე პასუხი, იმიტომ რომ ოპოზიციამ გამოაცხადა და…

გიორგი თარგამაძე:

-ის რომ ცხელი შემოდგომა უნდა ყოფილიყო რიგგარეშე არჩევნების მისაღწევად…

ეკა ხერხეულიძე:

-რიგგარეშე თვითონ გამოაცხადა, მაგრამ ცხელი შემოდგომა არა.

გიორგი თარგამაძე:

-ტემპერატურაზეც ვდაობთ ახლა, თუ რომ თქვა ეს ყველაფერი?

ეკა ხერხეულიძე:

-კითხვაზე პასუხი, რომელიც ნათქვამია ცხელი შემოდგომის დაანონსების შემდეგ.,

გიორგი თარგამაძე:

-რა მნიშვნელობა აქვს ადამინია ამბობს რომ, ცხელი კი არა, საერთოდ ქვეყნის ბედი უნდა გადაწყდეს ამ შემოდგომაზეო.

ეკა ხერხეულიძე:

-არ არის, სულ სხვა რაღაცას მეუბნებით.

გიორგი თარგამაძე:

-რატომ იყო მელია და ნაც მოძრაობა პასიური შემოდგომაზე?

ეკა ხერხეულიძე:

-ვინ გითხრა რომ პასიური იყო?

გიორგი თარგამაძე:

-რაში გამოიხატა აქტივობა, მითხარით…

ეკა ხერხეულიძე:

-როდესაც რიგგარეშე არჩევნები დაანონსდა, ამას არ ჰქონია გამოძახილი ლიდერებში, ვისაც ეს პროცესი უნდა წარემართა, ადამიანები, თურმე ემზადებოდნენ სხვა არჩევნებისთვის. რიგგარეშე არჩევნების ნაცვლად, მივიღეთ რიგგარეშე არჩევნები პარტიაში, რაც არ იყო ნორმალური და ჯანსაღი.