სოციალური ქსელის მომხმარებელი, ნინო ჭყონია, წერს:
“ისევ კოშმარი! გუშინ არ შემიშვეს და დამშოკეს “კოტონში”, ნიღაბი დიდი ამბით მეკეთა, მაგრამ თერმომეტრი აქვთ გაფუჭებული, ვერ ზომავს, 1 თვის წინაც ვერ გამიზომეს და ისე შემიშვა დაცვამ, არც ახლა აჩვენა, არც ხელზე, არც შუბლზე, ჩოლკა გადაიწიეო, არაფრით გადავიწიე ჩემი სალონში დაყენებული ჩოლკა, საბჭოთა სკოლა გამახსენდა, ჩოლკას რომ მაწევინებდნენ!
ესაა ძალადობა ადამიანებზე, რა ჩემი ბრალია, თუ მათი თერმომეტრი არ ზომავს! წინა შესვლაზე ჩოლკა გადამაწევინა და მაინც ვერ გამზომა და ისე შემიშვა! ახლა რატომ გადამეწია ტყუილად?! მე დაბალსიცხიანი ვარ! ჩოლკის გადაწევის უფლება რატომ უნდა მივცე ამის გამო ვიღაცის დაცვას? ეს სასტიკი დაცვა კი არ მიშვებდა, თან ამბობდა, გაფუჭდაო, კონსლუტანტები მოცვივდნენ, რომ ვჩხუბობდი დაცვასთან და ერთმა სულელმა მათგანმა მითხრა, სიცხე გაქვთო, ვერ გაერკვა სიტუაციაში და ასე დააბრეხვა, დამაპანიკა!
დავიბენი, გული გამისკდა და შევედი “ბალდი”-ში, რომ გადამემოწმებინა, მაგრამ იქ არავინ გამიზომა, ისე შემიშვეს! დავბრუნდი კოტონში და ისევ გამზომა მეასედ დაცვამ, ისევ არაფერი აჩვენა, არ აჩვენებსო, ამბობდა და მივხვდი, რომ იმ სულელმა გოგომ ისე დააბრეხვა, სიცხე გაქვთო და ისე გადამრია, სულ ტყუილად!
არადა უკვე რაღაც მეჩვენებოდა, რომ ცუდად ვარ! ამდენ ლაპარაკში ნიღაბმა წამიჭირა და ისიც მოვიხსენი! წნევამ ამიწია, გული ცუდად გამიხდა! მენეჯერს პირველი წუთიდან ვითხოვდი, მაგრამ ძლივს ბოლოს დაუძახეს, იმან შეარბილა ცოტა, მამშვიდებდა და მიშვებდა შიგნით, მაგრამ ნურას უკაცრავად, რა მინდოდა მათ მაღაზიაში, სახლამდე ძლივს მიმაქვს მათი ბიჟუტერია დაუზიანებლად, პარკში ჩადებულს ცვივა თველბი, ისეთი უხარისხოა! და თერმომეტრიც არ უვარგათ და ასე აწვალებენ ხალხს!
ესაა ადამიანების წამება, დამცირება, ძალადობა! ვინც ამ სულელურ რეგულაციებს ამართლებთ, თავად ხართ მოძალადეები, არაჰუმანურები! ჩემი ფეხი არ იქნება კოტონში ამ დამცირების და ძალადობის გამო, დიდი ბოდიშები აქვთ მოსახდელი! არც თქვენ გირჩევთმ ისედაც უხარისხოა , როგორც თერმომეტრი, KOTON საქართველო საქართველოს მთავრობა“
კომენტარები