პოლიტოლოგი, გია ხუხაშვილი, პრემიერ ირაკლი ღარიბაშვილის განცხადებას ეხმაურება და წერს:
“ღარიბაშვილმა აშშ-ს უსაყვედურა 2012 წლამდე სასამართლოს პოლიტიზირებაზე თვალის დახუჭვა.
დღეს თვითონ ის “საზიზღარი” მოსამართლეები სამიდღემჩიოდ რომ დანიშნა, ამაზე როგორ არის?!
იყო სავლე, გახდა პავლე”…
აი ამ სიყალბეს გვტენის უტიფრად.
ეს ვისაც მართლმადიდებელი ქრისტიანი გგონიათ, გეტყვით, რომ რასაც ამბობს, მკრეხელობაა – იმ მოსამართლეების “გაპატიოსნება”, რომელთაც მისივე თქმით 2012-მდე პოლიტიკური ვერდიქტები გამოჰქონდათ მხოლოდ ღმერთს ხელეწიფება.
ღმერთის ხელი კი აქ არ ჩანს.
ამ კაცს ვერც თეთრი ცხენი უშველის. დიდი ალბათობით, ჯდომაც არ იცის…”
შეგახსენებთ, ირაკლი ღარიბაშვილმა გუშინ განაცხადა:
„ჩვენ გვახსოვს კარგად, რა ქვეყანაში ვცხოვრობდით – 2012 წლამდე სასამართლო იყო ჩვეულებრივი პროკურატურის დანაყოფი. მე სამწუხაროდ, ძალიან მიკვირს, არ მომისმენია არასოდეს არც ამერიკის, არც ევროპის კრიტიკული შენიშვნა იმდროინდელი სასამართლოს მიმართ, რაც რა თქმა უნდა, სამწუხაროა და არ არის სამართლიანი. მეორეს მხრივ, რა თქმა უნდა ჩვენ ამ პროცესს ვაგრძელებთ, ჩვენ განვაცხადეთ, რომ ვაგრძელებთ ფართომასშტაბიან სასამართლო რეფორმას, რომელიც არის განგრძობითი პროცესი, რომელიც არ მთავრდება ერთ ან ორ დღეში.
რაც ჩვენ 8 წელიწადში გავაკეთეთ, დღე და ღამესავით განსხვავდება. იყო ღამე, გახდა დღე, ნათელი. მეორე – ჩვენ სასამართლოს დამოუკიდებლობის და გამჭვირვალეობის კუთხით ვუსწრებთ ევროკავშირის ძალიან ბევრ ქვეყანას. სანდოობის მხრივ, ჩვენი მოქალაქეების სასამართლოს მიმართ, ვართ მოწინავე რიგებში ევროკავშირის მასშტაბით. აქედან გამომდინარე, შეიძლება ვიღაცას ჰქონდეს გარკვეული კითხვები და რაღაც გაუგებრობა შეიქმნას. მე ვაძლევ პირობას ყველას, რომ ეს გაუგებრობა ჩვენს სტრატეგიულ მთავარ პარტნიორთან აუცილებლად აღმოიფხვრება და ჩვენ ყველა კითხვას გავცემთ პასუხს. ამას სჭირდება მეტი კომუნიკაცია, მეტი ურთიერთობა და მეტი ახსნა-განმარტება“
კომენტარები