“ტაბულას” დამფუძნებელი, თამარ ჩერგოლეიშვილი:
“ჭიაბერაშვილი, რომელიც ცოტა ხნის წინ, მისი მკვებავი ოლიგარქის “ჯანსაღი რჩევით” ბოკერიას თავს ესხმოდა, პარტიის ცუდ შედეგზე პასუხისმგებლობა აიღე, პარტიიდან წადი და გზა ახალგაზრდებს დაუთმეო ხომ გახსოვთ?
საჯაროა ეს ყველაფერი და თავად კეზერაშვილმაც დაადასტურა.
ნაცებში იქნება საერთაშორისო მდივანი – არ უთმობს ნაც ახალგაზრდებს გზას.
აი ასე გამოიყურება უპასუხისმგებლო, არაანგარიშვალდებული, ოლიგარქის მარიონეტი, კორუმპირებული პოლიტიკოსი (გული მერევა, ამ გადმოსახედიდან, საათის ინციდენტი რომ მახსენდება) და ისინი უნდა გადაშენდნენ.
ვერასოდეს, ვერასოდეს მოუგებენ ეს უნიჭო გახრწნილები ბიძინას გახრწნილებაში (ამას საკუთარი კვლევებიც უდასტურებს, რასაც მალავენ) ?
(სინამდვილეში, “ახალგაზრდებისთვის გზის დათმობა” ევფემიზმი იყო, რომ პატიოსანი და კვალიფიციური პოლიტიკოსი ბინძური პოლიტიკიდან გაეწიათ, სანაცვლოდ, ალიექსპრესის ოლიგარქს უნიჭო და უმაქნისი პოლიტიკოსები და მათი ოჯახები დაეპურებინა, ზოგისთვის – ბავშვების სწავლა დაეფინანსებინა, ზოგი ფორმულაში დაესაქმებინა და ა. შ. შედეგად პარტიის hostile takeover მომხდარიყო, უმეცარი ოლიგარქის დამჯერი ვაშაძისთვის მიეერთებინათ, და ეს ყველაფერი ბოლოს მიშას ფეხებთან აღმოჩენილიყო).
p.s. წარმოუდგენელია, რომ არსებობდეს ადამიანი, რომელიც პოლიტიკურ პროცესს ახლოდან აკვირდება, დეტალებიც აინტერესებს და ფართო სურათიც, და ვერ ხვდება, რომ რასაც ვიძახი 100 პროცენტიანი სიმართლეა.
წარმოუდგენელია, საშუალოდ გონიერმა ადამიანმა ეს ვერ დაინახოს.
ასევე წარმოუდგენელია, პატიოსანმა, პრინციპულმა ადამიანმა ასეთი ქცევა არ გაკიცხოს.
მაგრამ პოსტ-ტოტალიტარული
საზოგადოება ვართ და კონფორმიზმი ჩვენში ძლიერია. ამიტომ მესინჯერს “კლავენ” მილიონი საბაბით. ეს უფრო უსაფრთხოა მათთვის.
თუ სიკეთე გვიწერია, კონფორმისტებს თავიანთი დუმილის შერცხვებათ ?”
კომენტარები