„ეს ციფრები არჩევნების ბრალია, შუა ეპიდემიის დროს წინასაარჩევნო აქტივობები დამღუპველია და შედეგსაც ვხედავთ” – ფხაკაძე

ჯანდაცვის ექსპერტი, პროფესორი გიორგი ფხაკაძე:

„ეს ციფრები არის არჩევნების ბრალი. ქვეყანაში არის არალოგიკური ეპიდემია ანუ, საარჩევნო ეპიდემია+არაპროფესიონალიზმი. ყველაზე პესიმისტური მეცნიერული გათვლებით სექტემბრის მე-3 კვირიდან კოვიდის მე-4 ტალღა უნდა წამოსულიყო ქვევით. და რას ვხედავთ? დღეს ისევ 60 ჩვენი მოქალაქე დავკარგეთ.

სამწუხაროდ ეს პროგნოზიც ასრულდა. მე ვთქვი რომ არჩევნები დამღუპველი იქნებოდა ახლა ქვეყნისთვის. შუა ეპიდემიის დროს წინა საარჩევნო აქტივობები დამღუპველია და შედეგსაც ვხედავთ. როდემდე?! ხომ ხედავთ რომ არავის არაფერი არ აინტერესებს. მიხედეთ საკუთარ თავს, მიხედეთ ახლობლებს და ოჯახის წევრებს

არ ჩაეხუტოთ ერთმანეთს (კოცნაც გადადეთ ცოთა ხნით); მოკლე მანძილზე ნუ გამოიყენებთ საზოგადოებრივ ტრანსპორტს და საერთოდ აერიდეთ საზოგადოებრივ ტრანსპორტს; საზოგადოებრივ ტრანსპორტში ნუ ლაპარაკობთ;

ტრანსპორტში კონდიციონერები გამორთული უნდა იყოს და ფანჯრები მაქსიმალურად ღია. ყველაზე უსაფრთხო ადგილი არის ღია ფანჯარასთან; ტაქსიში “ორპირი გააკეთეთ” 2 ფანჯარა ღია 2 ფანჯარა ამოწეული;

შენობებში ცენტრალური კონდიცირება უნდა იქნას გამორთული და “ორპირი” უნდა იქნას შექმნილი რათა რაც შეიძლება მაქსიმალურად სუფთა ჰაერის ცირკულაცია იყოს; გამოიყენეთ სამედიცინო პირბადე სახლიდან გასვლისას ყველგან; ხშირად დაამუშავეთ ხელები; სანამ არის ფაიზერი ქვეყანაში აიცერით.

აერიდეთ/წაშალეთ/დაბლოკეთ /აღარ ნახოთ – ყველა ნეგატიური ამბები, ადამიანები და აერიდეთ ნეგატიურ გარემოს. ნეგატივი არის მავნე თქვენი ორგანიზმისათვის;

მიირთვით სუფთა წყალი, ამოიღეთ ხმარებიდან შაქარი, და შეირგეთ სეზონური ხილი და ბოსტნეული“

15 სექტემბერს საქართველოში კორონავირუსის 2 515 ახალი შემთხვევა დაფიქსირდა, გარდაიცვალა 60 ადამიანი. დადებითობის დღიური მაჩვენებელი კი 7.81%-ია.