“ეს სამკვდრო–სასიცოცხლო ბრძოლაა” – ნიკა მელია

“ენმ”–ს თავმჯდომარე, ნიკა მელია, “ფორმულასთან”, ქართულ ოცნებაზე” საუბრისას, ამბობს:

“უნდათ თავიანთი ამორჩეველი გახადონ აგრესიულები ჩვენ მიმართ… აგენტებიც ვართ… რაც არ უნდა ღარიბაშვილი ბრიუსელს და სტრასბურგს ეწვიოს, მათი მთავარი საინფორმაციო გამოშვება იწყება იმით, რომ ოპოზიციაში და მედიაში არიან ამერიკელი აგენტები. დამთავრებული ამბავია…

ეს უთანასწორო ბრძოლაა, სამკვდრო–სასიცოცხლო, გავიხსენოთ კორცხელი, პირდაპირ ეთერში არ ერიდებოდა არავინ გაერთიანებიათ ჩვენთვის თავ–ყბა. ოლიგარქიული რეჟიმი თუ ვინმეს ანადგურებს, პირველ რიგში ოპოზიციას ანადგურებს, არ ვიცი, რატომ არ განვადგურდით, რატომ ვართ საერთოდ, ან როგორ შევძელი, რა ძალამ მომიყვანა დღემდე ამის ახსნა მე თვითონ მიჭირს.

ახლა რომ მითხრათ, აი, ნიკა, ყველა შესაბამისი პირობა, უკან დაგაბრუნებ დროში და 2013 წლიდან დღემდე? უმაღლესი ალბათობით, მე ემოციურად, ფიზიკურად ამას ვეღარ შევძლებ. ამიტომ როდესაც მესმის, არის თუ არა ოპოზიცია ფორმაში რეჟიმთან საბრძოლველად – კი, კი, თვისობრივად განსხვავდება 2022 წლის მდგომარეობა 2020 –გან. ქართული ოცნების მინიმუმ ერთი მესამედი ამომრჩეველი ვერ ხვდებოდა რამდენად უწყობდა ხელს ქართულ ოცნებას, რომ მას ასეთი მეთოდებით საგარეო კურსი შეეცვალა – მართლა სჯეროდა რომ ქართული ოცნება არ არის რუსული ოცნება, 2 წლის წინ… საერთაშორისო მეგობრები, პარტნიორები ხმას არ იღებდნენ ამ მიმართულებით, არ სჯეროდათ რომ ქართული ოცნება რუსული ოცნებაა – ეს არაა განსხვავება?

მე თუ ვინმე დამისმევდა კითხვას, არის თუ არა ოპოზიცია ფორმაში, თუ ეს ფაქტები არა აქვს დანახული, არა აქვს კონტრასტის სახით ნაგრძნობი კანის დონეზე, თავად ეს ადამიანი არ არის ფორმაში, გინდ პოლიტიკოსი იყოს და გინდ საზოგადოებრივი სახე.”