პოეტი, ნიკა ჩერქეზიშვილი:
“ყველაზე მეტად რამაც დაღალა ეს ქვეყანა,
რამაც დააუძლურა და ამ მდგომარეობამდე მოიყვანა…
არა გაჭირვებამ, არა შიმშილმა, არა არაფერმა…
დაღალა ტყუილმა, არაგულწრფელობამ, სიმართლის არ ქონამ…
დაღალა ფეხისწვერებზე აწეული კაცუნების ცრუ სიმაღლემ, მათმა მოჩვენებითმა სიდიდემ და ყალბმა მსახურებამ ქვეყნისა და ხალხისთვის…
დაღალა სათადარიგო შემადგენლობამ…
დაღალა სიცარიელემ…
საუბრობენ, ლაპარაკობენ და წყალია, ერთი წვეთი სისხლი არ ურევია, ერთი ღერი მოდება არ აქვთ…
•
2023 წელს, რაც მინდა ვუსურვო საკუთარ თავს, ჩემთვის ძვირფას ადამიანებს და სრულიად საქართველოს – სიმართლეა!
სიმართლე თუ გვექნება, მართლები თუ ვიქნებით, იქნებ, გვეშველოს კიდეც რამე.
უამისოდ, ზუსტად ვიცი, რომ არაფერი იქნება.
•
მესმის, რომ სადღეგრძელოსგან შორს არის ეს მოლოცვა, მაგრამ გულწრფელობაზე თუ ვლაპარაკობთ, ეს არის.”
კომენტარები