moscowtimes ცნობით, სამხედრო ანალიტიკოსები და ბლოგერები, იმ პირებს ადანაშაულებენ, ვინც რუსული სამხედრო კოლონის კონკრეტულ ზონაში გადაადგილების ბრძანება გასცა. შეგახსენებთ, 9 აგვისტოს ღამით, უკრაინის შეიარაღებულმა ძალებმა კურსკის რეგიონში რუსი სამხედრო მოსამსახურეების კოლონას დაარტყეს. ხანძრის კადრები არაერთმა ტელეგრამ არხმა გამოაქვეყნა.
ტელეგრამის არხის „სამხედრო ინფორმატორის“ ცნობით, რუსული ჯარების კოლონას თავს დაესხნენ ამერიკული HIMARS MLRS-ის დახმარებით, რომელიც მანამდე არ გამოიყენებოდა უკრაინის არმიაში.
სამხედრო ანალიტიკოსის იან მატვეევის თქმით, განადგურებულია მთელი ბატალიონი, “ეს არის ერთ-ერთი ყველაზე სისხლიანი და მასშტაბური შეტევა (სავარაუდოდ HIMARS) მთელ ომში“, – აღნიშნა მატვეევმა.
Z-ბლოგერები ითხოვენ ინციდენტზე პასუხისმგებელი პირების დასჯის მოთხოვნა. „ვინც ბრძანება გასცა ამ ზონაში კოლონებით გადაადგილების, ის არა მხოლოდ “мудак”–ია, არამედ ომის კანონებით უნდა დაისაჯოს, – წერს Z-ბლოგერი რომან ალეხინი.
კიდევ ერთი Z-ბლოგერი იური პოდოლიაკა: „როდემდე? ომის მესამე წელია და ვიღაცას ისევ აქვს გატაცება წინა ხაზზე კოლონებით გადაადგილების“.
უკრაინის შეიარაღებული ძალები 6 აგვისტოს დილით შეიჭრნენ კურსკის ოლქის ტერიტორიაზე და სამ დღეში მინიმუმ 20 დასახლებული პუნქტი აიღე. სამხედრო ბლოგერებმა აღნიშნეს, რომ უკრაინის ჯარებს კურსკის ატომურ ელექტროსადგურამდე სწორი ხაზით დაახლოებით 30 კილომეტრი დარჩათ.
კომენტარები