“ეს ყველას ეხება, ვისაც გზავნილებთან ურთიერთობა გვაქვს… ეს რეკეტია სახელმწიფოს სახელით” – რას წერს რამაზ სამხარაძე

გეტყვით რა განუკითხაობა ხდება საბაჟოზე.

საფრანგეთში ონლაინ მაღაზიიდან შევუკვეთე ნივთები. თითოეული გზავნილის ღირებულება არ აღემატება 300 ლარს. შესაბამისად გზავნილები საქართველოს კანონმდებლობის მიხედვით განბაჟებას არ საჭიროებს.

ამ ორი გზავნილის შეკვეთების ინტერვალი 10 დღე მაინც არის.

საფრანგეთის ფოსტის გაფიცვის გამო, გზავნილები თითქმის 1 თვის დაგვიანებით მივიღე დღეს, მაშინ როცა ჩვეულ რეჟიმში 12 დღეში აქ არის ხოლმე, ეს ორივე გზავნილი ერთად შემოვიდა.

ახლა ფოსტაშიც და ფინანსთა სამინისტროს ცხელ ხაზზეც მეუბნებიან, რადგან ონლაინმაღაზია და მიმღებიც ერთიდაიგივეა განბაჟების ღირებულება უნდა გადავიხადო, რადგან ეს ორი გზავნილი ერთად შემოვიდა საქართველოში, ერთად დარეგისტრირდა და თანხა აჭარბებს გასანბაჟებელი გზავნილის ღირებულებას. მოკლედ, საჭიროებს დეკლარირებას. უნდა გადავიხადო კიდევ 300 ლარამდე.

იშველიებენ საქართველოს ფინანსთა მინისტრის რომელიღაც ბრძანებულებას.

დავრეკე ყველგან, თუმცა ვერ მეუბნებიან ფორსმაჟორულ ვითარებაში რა ხდება.

იძულებული ვარ გადავიხადო ეს თანხა, წინააღმდეგ შემთხვევაში გზავნილს ვერ ავიღებ! რატომ?

მე საქართველოს მოქალაქემ რა დავაშავე, თუ საფრანგეთში გაფიცვაა და გზავნილების დაგზავნა გვიანდება?

ეს ჩვეულებრივი რეკეტია სახელმწიფოს სახელით !