“ეს მნიშვნელოვანი ამბავი არ უნდა ჩაიკარგოს” – ხატია დეკანოიძე

“ნაციონალური მოძრაობის“ ერთ-ერთი ლიდერი, ხატია დეკანოიძე:

დღეს გავრცელდა ინფორმაცია, რომ სუსმა საქართველოს მოქალაქე დააკავა, რომელსაც, გამოძიების ვერსიით, ჰქონდა ურან-238 და მისი უცხო ქვეყნის მოქალაქისთვის გადაცემას გეგმავდა 700 ათას აშშ. დოლარად. ეს არის ქვეყნის უსაფრთხოებისთვის სერიოზული საკითხი. ურანი-238 ურანის იზოტოპია, რომელიც ბირთვული იარაღის გამდიდრებისთის შეიძლება პირდაპირ არ გამოიყენება, მაგრამ მისი კონცენტრაცია საკმაოდ საშიშია.

ანუ საქართველოს მოქალაქის ხელში აღმოჩნდა ბირთვული მასალა. ეს მიუთითებს ბირთვული მასალის უანონო ტრეფიკინგის ქსელზე, რადგან ის უცხოეთში საქართველოდან აპირებდა აკრძალული ნივთიერების გაყიდვას.

საიდან მოხვდა საქართველოში ურანი? სუსს არ გაუცია პასუხი მასალის რაოდენობაზე, წარმომავლობაზე და არც დაკავებულის თანამზრახველების ქსელზე.

გამოძიება არაფერს გვეუბნება აკრძალული ნივთიერების გატანის ორგანიზატორებზე და შუამავლებზე, საზღვრის კვეთის უკანონო მცდელობაზე , ვინ არის მასალის მიმწოდებელი და რამდენად დიდია ქსელი.

სახეზეა ძალზედ საშიში ტრანსაციონალური ორგანიზებული დანაშაულებრივი ქსელის მოქმედების ნიშნები. ეს არ არის პირველი შემთხვევა, როცა საქართველოში ურანი მოხვდა და უკანონო ვაჭრობის ობიექტი გახდა.