“ეს მიგვიყვანს ეკონომიკურ კოლაფსამდე, რაც ნიშნავს პროდუქტის, საწვავის, ენერგოტარიფების გაძვირებას” – ოთო აბესაძე

ეკონომიკის დოქტორი, პროფესორი ოთო აბესაძე

პროფესიული თვალით რომ შევხედო – რა არის სანქცირებული მთავრობა? სანქცირებული მთავრობა ნიშნავს ნულოვან ინვესტიციას ქვეყანაში. დასავლური მხრიდან სანქცირებული მთავრობა ნიშნავს, რომ არც გამოიხედებიან და არ მოხდება არანაირი მოლაპარაკება ტრანსნაციონალური, მულტინაციონალური და ა.შ. კორპორაციების მხრიდან. ეს მიგვიყვანს ეკონომიკურ კოლაფსამდე. საქართველო ეკონომიკურად მოექცევა იზოლაციაში, რაც ნიშნავს, დამატებით ფასების ზრდას, დამატებით პროდუქტის გაძვირებას, საწვავის, ენერგოტარიფების და ა.შ.

სანქცირებული მთვარობის პირობებში ვერც ერთი, ხაზს ვუსვამ, ვერც ერთი ქვეყანა ვერ განვითარდება და განსაკუთრებით ისეთი ტიპის ქვეყანა, როგორიცაა საქართველო, რომელიც საჭიროებს მსუყე რესურებზე მიბმას საერთაშორისოი ასპარეზზე. თუ დაგვიდგა და დაგვიდგება სამწუხაროდ ის რეალობა, საქართველოში გვეყოლება სანქცირებული მთავრობა, ეს პირდაპირი ნიშანია ყველა საერთაშორისო აქტორისთვის, რომ შეჩერდეს ინვესტიცია, დონაცია და ა.შ.

საქართველოს მოსახლეობის, ძალიან მაგარი სტუდენტების გვერდით დგანან ჩვენი დასავლელი პარტნიორები და მათი პოზიციაა ცალსახა, რომ ქართველი ხალხის ნება მნიშვნელოვანია და ქართველი ხალხის ნებაა არა სანქცირებული მთავრობა, არამედ ჯანმრთელი, ეკონომიკურად ძლიერი, ევროპული სახელმწიფო.