ჟურნალისტი ირაკლი ტაბლიაშვილი:
„არ დავმალავ! დღეს მე ბევრჯერ შევცდი! ბევრჯერ არა – ორჯერ! სამჯერ!..
თავდაპირველად შევცდი, როცა მეგონა, რომ სააკაშვილი არ ჩამოსულა და ვიდეო, რომელიც მან გაავრცელა, ბათუმში არ იყო გადაღებული.
მეგონა, რომ არ… ვერ გაბედავდა შემოსვლას და, არ მეგონა, რომ უნიათო ხელისუფლება ხვითოც იქნებოდა, ხვითო და ნუ, რა გითხრათ – ცოტაზე მეტად ჭკუასუსტი.
მეორედ შევცდი, როცა ვიფიქრე, რომ მიშა არჩევნებს დაელოდებოდა და თუ აღმოაჩენდა, რომ ოპოზიციამ წააგო, მერე უკვე კიევიდან ჩაგვერთვებოდა სიტყვით – როგორც შემოვედი, ისე გავედი… ბევრს ეგონებოდა, რომ აქ იყო, ბევრს მოეჩვენებოდა, რომ დაგვტროლა.
მესამედ შევცდი, როცა ვიფიქრე, რომ მიშა, თუ ის მაინც ჩამოსული იყო, დიდ სპექტაკლს დადგამდა დაკავებისას… წინააღმდეგობას გაუწევდა… live -ს შემოგვთავაზებდა!
კიდევ დავუშვი ალბათ შეცდომები ჩემივე ანალიზისას.
მაგრამ!
ჩემი აზრით კი არა, რეალურად არ შევმცდარვარ მთავარში – მყაყი და ჭაობი, რომელიც ქვეყანაშია, უნდა დასრულდეს და, “ოცნება” ვერ მოახდენს ამომრჩევლის მობილიზებას ახლა… როცა მიშა უკვე დაპატიმრებულია.
ხელისუფლებას შემოეპარა ძებნილი პირი, რომელიც, თურმე, 4 დღეა საქართველოშია.
ამაზე დიდი დელეგიტიმაცია არ არსებობს! ყველანაირი მორალური უფლება დაკარგა ოცნებამ მართვისა.
წინ არჩევნებია!
რიგგარეშე საპარლამენტო არჩევნები უნდა დავანიშნინოთ! თუ ასე არ მოხდა! ეს ხელისუფლება ისე ააფეთქებს ქვეყანას, რომ ლილუაშვილის პიჯაკის ღილსაც ვეღარ ვიპოვით.“
კომენტარები