ჟურნალისტი, ნაზიბროლა რეხვიაშვილი:
“ახლა მოვიცალე და დავწერ:
დღეს მივდივარ პუშკინის ქუჩაზე, მესმის მამაკაცის კაპასი ხმა, სად არსებობდა, ბიჭო, უკრაინა, მაგათ დამწერლობაც არ აქვთ თავისი, პუტინი დედას უტ@@ავს, ხომ ხედავ, ძმაო…
სამი-ოთხი ადამიანი დგას, უსმენს, არ ეპასუხება.
ჯერ უხმოდ ჩავუარე და “აბა ომს რომ უწყებდა, რა ეგონა და ჩვენც ხომ არ გვინ”… – ეს რომ მოსწვდა ჩემს ფაქიზ სმენას, მკვეთრად მოვტრიალდი და გადაფსიხებული კი ვარ, მაგრამ მაქსიმალურად მშვიდად ვეკითხები:
-დარგის ექსპერტი ხართ?
შემომხედა ბეცი თვალებით.
ვუმეორებ:
-დარგის ექსპერტი ხართ, თუ საიდან იცით ამდენი, უკრაინას რომ დამწერლობა არ ჰქონდა და საერთოდაც, რუსებმა რომ შექმნეს?
-აბა ესაა კაი, რომ დაიწყო ომი? ვისთან? პუტინთან?
ნუ მე რაც ვუპასუხე, არ მოვყვები და იმან რაც იბობოქრა, მაგრამ მიხვდა ეტყობა, რომ მყარი არგუმენტების გარეშე ვერ “გადამიბირებდა” და ცოტა წახდა.
-ჩვენ დამწერლობა გვაქვს? – არ ვაცალე ამოსუნთქვა.
-აბა არ გვაქვს?
-თუ იცით, ბატონო, რატომ გვაქვს, ვისი დამსახურებაა?
-აბა არ ვიცი? ჩვენი წინაპრების ბრძოლითაა მოტანილი.
-და ვის ებრძოდნენ, ის თუ იცით, ბატონო, ვინ გვიპირებდა ენის წართმევას?
აი ეს აღმოჩნდა სტრატეგიულად ყველაზე სწორად გათვლილი კითხვა, ჩავითრიე მეორე მოქალაქეც საუბარში, როგორც იქნა და “უნდა დახვრიტონ პუტინი, ეგ”… აქ მოერიდა გინება და ბოდიშიო.
ბოდიში რა მოსახდელია პუტინის გინებაზე, ჩემო ბატონო, პოლიციელი კი არ ვარ, მაგისთვის დაგაკავოთ, არ მოგერიდოთ-მეთქი და კაი აბა, გაგახაროთ ღმერთმაო.
რატომ შეგაწუხეთ ახლა: ჩვენი მთავრობის “აბა ომი გინდათ” კარგად მუშაობს. ამას მოჰყვა: “გმადლობ, ბატონო ირაკლი, მადლობა ბატონ ბიძინას, ომში რომ ვერ ჩაგვითრია ბოროტმა დასავლეთმა.”
ეს იმდენად ძლიერმოქმედი ოყნაა, რომ მთავრობა კარგად აფინანსებს და მერე ამ დარეკლამებულ საზიზღრობას ცხვირში გვტენის, თან როგორი დაბანილ-დავარცხნილი მოქალაქეები გამოჰყავს კადრებში, სულ რევერანსებით რომ უხდიან მადლობას.
არანაირი მნიშვნელობა არ აქვს იმას, რამდენი მოქალაქე უჭერს მხარს ქვეყნის ევროკავშირსა და ნატო-ში ინტეგრაციას. დავუჭიროთ და ვისაუბროთ, სანამ ჩვენ ხელისუფლება არ დაგვიჭერს.
და დაჭერაში მხოლოდ ციხეში ჩასმას არ ვგულისხმობ, დაჭერა სხვა მეთოდებითაც შეიძლება. ზოგს ციხეში ჩასმით დაგვიჭერენ, ზოგს – რა ვიცი, არ გამოელევათ მეთოდები.”
კომენტარები