“ეს იძლევა ოპტიმიზმის საფუძველს” – კობახიძე ევროპარლამენტარებთან შეხვედრის შემდეგ

ევროპარლამენტის დელეგაცია “ქართული ოცნების” თავმჯდომარე ირაკლი კობახიძეს შეხვდა. შეხვედრის დასრულების შემდეგ გამართულ ბრიფინგზე კობახიძემ განაცხადა:

“ჩვენი მოსაზრებები გამოვთქვით თანმდევ მოვლენებთან დაკავშირებით, როგორიც არის ევროპარლამენტის რეზოლუცია, ცალკეული ჩანაწერები, რომლებიც მოხვდა ევროკომისიის შეფასებაში. რა თქმა უნდა, ამ საუბრების შინაარსს ჩვენ დეტალურად გარეთ ვერ გამოვიტანთ, ეს იყო დახურული შეხვედრა, მაგრამ შემიძლია გითხრათ, რომ იყო ძალიან საინტერესო დისკუსია ყველა თემასთან დაკავშირებით და მათ კიდევ ერთხელ დაადასტურეს მხარდაჭერა საქართველოს ევროპული კურსის მიმართ, რაც იძლევა ოპტიმიზმის საფუძველს.”