აშშ-ის ელჩი საქართველოში კელი დეგნანი ამბობს, რომ შინაგან საქმეთა სამინისტროს მაღალჩინოსნების დაპირების მიუხედავად, “თბილისი პრაიდის” ორგანიზატორებს არ მიეცათ დახურულ ტერიტორიაზე ფესტივალის ჩატარების საშუალება:
“ფაქტობრივად, დაუმორჩილებელ ბრბოს ძალადობის მოწოდებით თბილისის ქუჩებში რამდენიმე კილომეტრის გავლის საშუალება მიეცა. მათ არა მხოლოდ პოლიციის პერიმეტრის გარღვევის, არამედ ადგილზე შესვლის, ვანდალიზმის, ძარცვისა და ქონების განადგურების უფლება მიეცათ ისე, რომ ამას პოლიციის მხრიდან პასუხი არ ჰქონია. ძალიან შემაშფოთებელია თბილისის ქუჩებში მოქალაქეებზე თავდასხმის, ერთი შეხედვით, კოორდინირებული სერია. ეს ექსტრემისტები, რომლებიც ჩვენ ვიხილეთ შაბათს, იყვნენ ზუსტად იგივე ექსტრემისტები, რომლებმაც ძალადობა მოაწყვეს 2021 წელს. მათ აქვთ ფეისბუკის გვერდები; ისინი ჩნდებიან ვიდეოებზე, როდესაც ძალადობისკენ მოუწოდებენ სხვებს; ამბობენ, რომ ყბებს ჩაუმტვრევენ და სისხლს დაღვრიან; თბილისის ქუჩებში დადიან და ხალხს ძალადობით ემუქრებიან; ისინი ამაყობენ, როცა ამბობენ, რომ ძალადობის მომხრენი არიან. ვფიქრობ, ყველა უფრო დაცულად იგრძნობს თავს, როდესაც ამ ვიდეოებზე გამოჩენილ ადამიანებს დააპატიმრებენ და დასჯიან.”
ელჩმა აღნიშნა, რომ ბევრ რამეში განსხვავებული მოსაზრებების მიუხედავად, შეგვიძლია შევთანხმდეთ, რომ უპირველესი ქრისტიანული ღირებულებები არის თანაგრძნობა, სიყვარული, შემწყნარებლობა და პატივისცემა.
კომენტარები