შინაგან საქმეთა მინისტრი აღიარებს, რომ გუშინ დმანისში მომხდარი დაპირისპირების შემდეგ ადგილზე სამართალდამცავების რაოდენობა საკმარისი არ იყო:
“ცუდი სიტუაცია იყო გეთანხმებით, რა თქმა უნდა, სწრაფად შეიქმნა ქაოსური სიტუაცია. გუშინდელი დღის შემდეგ იყო გაძლიერებული პოლიცია, მეტი ძალები იყო შემოყვანილი, თუმცა ეს ძალები არ აღმოჩნდა საკმარისი, რაც იყო, 150-200 კაცამდე იყო, რეალურად თუ არის 20 კაცი სხვა მშვიდობიან დროს ბოლნისში გაათმაგებული იყო, სამწუხაროდ, ვერ მოხდა ამხელა მასის კონტროლი და მოხდა დამატებითი ძალების შემოყვანა, განიმუხტა ამის შემდეგ”, – თქვა ვახტანგ გომელაურმა.
გომელაურმა აღნიშნა, რომ დაუშვებელია დმანისში მომხდარი ეთნიკურ კონფლიქტში გადაიზარდოს და ამას არ დაუშვებენ. ის ადგილზე ცოტა ხნის წინ ჩავიდა.
მედიასთან კომენტარის დროს მან თქვა, რომ ადგილზე დეპუტატებიც იმყოფებიან, ისაუბრებენ და შესაძლოა ორივე მხარესთან შეხვედრა გამართონ.
მიუხედავად იმისა, რომ შს მინისტრის თქმით, სიტუაცია განიმუხტა, ის მაინც ადგილზე თავად ჩავიდა და ამ დროისათვისაც კი არ არის შეხვედრები დაწყებული ორივე მხარესთან. რას გულისხმობს სიტუაციის განმუხტვაში შს მინისტრი, ჯერჯერობით უცნობია. მინისტი არც იმას ამბობს, რატომ ვერ მოახერხა დროულად საკმარისი ძალების დამატება და თითქმის 24 საათის შემდეგ რატომ შეიყვანა დამატებითი ძალები დმანისში.
კომენტარები