“ეს დაუჭირეს ბიძინას, ამათ იქეთ გათვალეს ბიძინა… ბიძინას დალაგებული თავდაყირაა” – ხუხაშვილი

პოლიტოლოგი, გია ხუხაშვილი, “ტვ პირველთან” ამბობს:

ივანიშვილის პასუხისმგებლობის საკითხი დგას, მაგრამ ეს არ ხსნის კობახიძისგან, ღარიბაშვილისგან და სხვებისგან პასუხისმგებლობას. ბიძინას მთავარი სისულელეა – ხომ დაალაგა მენეჯმენტი, ვითომ ამათ ახოცავს ხელს და თვითონ არის ჩრდილში, სინამდვილეში, ამ ბავშვებს აქვთ კომფორტი, ეს დაუჭირეს, რომ თვითონაც რაღაცას რომ აშავებენ, ისიც კი ბიძინას ბრალდება. შესაბამისად, ბიძინას დალაგებული სიტუაცია თავდაყირაა უკვე დღეის მდგომარეობით. რატომ არიან ასეთი უტიფრები და შემტევები? ხომ უნდა ვიფიქროთ, არ ეშინია კობახიძეს ხელისუფლება რომ შეიცვლება? არ ეშინია და იცით რატომ არ ეშინია? წავა და პროკურატურაში დაწერს, ყველაფერს ბიძინა მავალებდაო. ეს კომფორტი აქვთ, ამიტომ არიან ასე ხმალამოღებულები და ბიძინას ჰგონია, ერთგულები არიან, ბიძინამ ხომ ვითომ ესენი გათვალა, სინამდვილეში ამათმა გათვალეს ბიძინა, არიან ახლა კომფორტში, ბოლომდე მიაწვებიან, ბოლომდე ვაჟკაცობანას ითამაშებენ, და თვითონ ხომ არაფერი დაუშავებით, ბიძინა ყველაფერში დამნაშავე – ამის იმედად არიან, ეს არის ბიძინას ‘ბრძნულად” დალაგებული ჩრდილოვანი მმართველობა  რეალურად, იმ ჩრდილიდან ფეხები, ხელები, ყველაფერი უჩანს და ესენი რომ თავის ჭიას ახარებენ, ამასაც ბიძინას ტენიან. ძაან მაგარი ხარ ბიძინა რა, ძაან მაგარი.

ხალხთან ხიდი ჩატეხილი მარტო ხელისუფლებას ხომ არ აქვს, ოპოზიციასაც ჩატეხილი აქვს, გატელევიზორება მოხდა ვითომ–ვითომ პოლიტიკის. ხალხს აქვს უამრავი პრობლემა, კი, სააკაშვილიც პრობლემაა, მაგრამ ხომ არ შეიძლება, მხოლოდ რომ დილას სიცხეს ვუზომავდეთ სააკაშვილს და საღამოს წნევას. თითქოს ხალხს არ შია, არ წყურია, არაფერი არ ხდება სხვა, არც უკრაინში ომია, ჯერ პოლიტიკური ცხოვრება უნდა გაცოცხლდეს, ტელევიზორებიდან უნდა დაბრუნდნენ ხალხში. ჯერ პოლიტიკა უნდა დიაბადოს, დღეის მდგომარეობით მკვდარია და კარგ შემთხვევაში – კომაშია.