“ეს არის მოგონილი, ტყუილი… ამით ცდილობს ხელისუფლება მოსახლეობა წნეხის ქვეშ მოაქციოს” – ზურაბიშვილი

საქართველოს პრეზიდენტი, სალომე ზურაბიშვილი:

“შექმნილი, მოგონილი თემა მეორე ფრონტისა – არც ერთი ჩვენი პარტნიორი და ამას ვამბობ სრული პასუხისმგებლობით, მე ვარ ერთადერთი ვინც ვიყავი ამერიკაშიც, ევროპაშიც და მქონდა მაღალი დონის, ღია შეხვედრები იმ კუთხით, რომ რაღაცეებს მეუბნებიან, რასაც სხვებს არ ეუბნებიან, არსად, არც ერთხელ, არასოდეს, არანაირი მოწოდება არ ყოფილა, აბა, თქვენ სადა ხართ, რატომ არ არის მეორე ფრონტი, რას აპირებთ, თქვენც მიიღეთ მონაწილეობა, ეს არის მოგონილი, არის ტყუილი, ამას ვამბობ სრული პასუხისმგებლობით.

ერთადერთი, საიდანაც გაისმა მეორე ფრონტის იდეა, ეს მოდის უკრაიანის ხელისუფლების რაღაც წრეებიდან – სადაც არის კავშირები, არ აქვს მნიშვნელობა – ომში მყოფ ქვეყანას შეიძლება გაუჩნდეს სურვილი სხვა მხრიდანაც იყოს ფრონტი, ამაზე არც უნდა ვუპასუხოთ. ჩვენ არ ვაპირებთ ჩვენ ოკუპირებულ ტერიტორიებთან ომით გადავწყვიტოთ ის, რაც მშვიდობიანად გვინდა გადავწყიტოთ. მაგრამ ეს არ ნიშნავს, რომ ეს თემა უნდა განვავითაროთ ქვეყანაში და ამ თემით შევაშინოთ მოსახლეობა. მოსახლეობას არ უნდა ვუთხრათ, რომ შენი არჩევანია ის, რასაც უყურებ უკრანაში, ან ამ ხელისუფლებას შეეგუო და არაფერი მოთხოვო. ამ ფორმით ცდილობს ხელისუფლება მოსახლეობა რაღაცა წნეხის ქვეშ მოაქციოს. არ არსებობს მეორე ფრონტის საფრთხე, გორბის კითხვები აბსურდულია, ასე რომ იყოს დასმული კითხვა, ყველა უპასუხებს, არ მინდა. ვის უნდა ომი? უკრაინელებს უნდოდათ? ეს არის გამიზნული შიდამოხმარებისთვის, რომ ხალხი გადაერთოს ხელისუფლების შეცდომებიდან და საკუთარ უსაფრთხოებაზე იფიქროს… ან კიდევ სხვა ახსნა აქვს ამას – მაგრამ, მირჩევნია არ ავყვე ამ აზრებს…”

“არაფერი გააკეთეთ, რომ ბიძინა ივანიშვილი იმ რიგში არ ჩაწერილიყო, თქვენ უნდა მიხედოთ ამ საკითხს” – ზურაბიშვილი