“ეს არის ღია ღალატი, ეს არის ღალატი, ეს არის სახელმწიფოს ღალატი” – თაკო ჩარკვიანი პრემიერს

დეპუტატი, თაკო ჩარკვიანი, პარლამენტში მისულ პრემიერ–მინისტრს მიმართავს და ამბობს:

ბატონო პრემიერო, თქვენ დანახვაზე კი არ უნდა კანკალებდეს, რომელიმე პროკურორი, არამედ თქვენი ინსტიტუცია უნდა მოწმდებოდეს, იმიტომ რომ ეს სახელმწიფო ინსტიტუციაშია.

გუშინდელი განცხადება მოვისმინე ირაკლი კობახიძის, რომელმაც თქვა, ამერიკა თუ შეწყვეტს და გადახედავს დაფინანსებას, იმ მილიარდებს რაც შემოედინება საქართველოში, ამაზე, თურმე, არასამთავრობოებმა უნდა იდარდონ. მაგალითად, იმ მილიარდებით და ცე ჰეპატიტის პროგრამით ათი ათასობით ადამიანი რომ გადარჩა, თუ აღარ გაგრძელდება პროგრამა, ამაზე, თურმე, არასამთავრობოებმა უნდა იდარდონ… რა არის სტატუსის მიღება და რეფორმები? ეს არის ინვესტიციების შემოდინება, სასამართლოს და პროკურატურის რეფორმა, რატომ მაქვს ეჭვი, რომ არ აპირებთ ამის გაკეთებას? აბა, მურუსიძეს ისე პირველ პირად ხომ არ აქცევდით? ვისაც ვაპროტესტებდით წინა წლებში, ახლა პირველი პირია და თქვენ ამაზე რეაქცია არ გქონდათ… რა დაგვრჩება თუ ამერიკა გაიტანს თავის ინვესტიციას? ირანის და რუსეთის გარემოცვაში დარჩენილი საქართველო, ეს არის ღია ღალატი, ეს არის ღალატი, ეს არის სახელმწიფოს ღალატი.”