“ეს არის გამარჯვებული ბიჭების საქმე!” – ადვოკატმა 10 მიზეზი ჩამოთვალა – ომარ ფურცელაძის დასკვნითი სიტყვა

და გამარჯვებული ვართ ბევრი მიზეზით, იმიტომ, რომ:

1. ძმები ტერიშვილების ამბავს საუკუნეები შეინახავს ამ ქვეყნის ისტორია;

2. გამოკეტეთ ონისე, მაგრამ ვერაფრით გამოკეტეთ ონისეს იუმორი;

3. ანდრო ციხეშიც არ წყვეტს მწვერვალების დაპყრობას;

4. ჩვენს უკრაინელ ძმებს, ვერ გადააჩვიეთ ბრძოლა სინათლის მხარეს;

5. გამარჯვებულია იკა ქერაშვილი, იმიტომ რომ წამით არ გაჩერებულან ქეთუნა, ქეთი და ბატონი კახა მისთვის;

6. გამარჯებულები არიან ვაკო და ლუკა, იმიტომ რომ როცა ნათელი მომავალი აუცილებლად დადგება, ზუსტად ეცოდინებათ რა გაიღეს მისთვის;

7. გამარჯვებულია რეზო კიკნაძე, რომლის ხმა, მაშინაც ისმოდა, როცა დარბაზში არ ყოფილა;

8. გამარჯვებულია ჯანო, იმიტომ რომ გაიზრდებიან მისი შვილიშვილები და ძლიერი, დამოუკიდებელი საქართველოს ქუჩებში ივლიან ამაყი და მხრებგაშლილი, ხმამაღლა იტყვიან, რომ მათი ბაბუ, მარადიული ჯარისკაცი – ჯანო არჩაიაა;

9. გამარჯვებულია გური მირცხულავა, იმიტომ რომ ჩვენ თქვენ წაგართვით გადაწყვეტილების მიღების უფლება, თქვენ მხოლოდ შეგიძლიათ გამოაცხადოთ იგი;

10. გამარჯვებული ვარ მე, რადგან მქონდა პატივი მათ მხარდამხარ მებრძოლა;

მსგავსად ლაშასი, მეც მინდა დავპირდე, რომ ფიზიკურად ვერ გამოაცხადებთ ისეთ გადაწყვეტილებას ამ დარბაზში, რომელიც გამაჩერებს, რომ ვიყო მათი მებრძოლი, მათი მეგობარი…