“ეს არის დევნის კანონი” – გამზარდია

“აგენტურის კანონი” – ეს არის დევნის კანონი. ყველაფრის დევნის, რაც სახელისუფლებო კონიუნქტურას არ ექვემდებარება. ეს არის ავტორიტარიზმის განმტკიცების ისეთი მცდელობა, როგორიც დამოუკიდებლობის აღდგენის შემდგომ არ ყოფილა.

სწორედ დევნის კონცეპტი უკაკუნებს ჯერ ინსტიტუციურ წინააღმდეგობებს, შემდგომ კი ინდივიდუალურ თავისუფლებებს, თითოეული მოქალაქის ელემენტარულ უფლებებს.

სახელმწიფო ამით არ ჩამოიშლება, არსებობს დიქტატორული, ავტორიტარული, ტოტალიტარული და ტირანიული სახელმწიფოებიც კი.

სახელმწიფოებრივი წესრიგი ნებისმიერ მსგავს რეჟიმს შეიძლება ჰქონდეს, მაგრამ ის ანგრევს მოქალაქეს, როგორც ადამიანს.

და თუ მალე კიდევ უფრო მეტად უბედურად ვიგრძნობთ თავს, ვიცოდეთ, რომ ბედნიერების არა თუ უნარი, უფლებაც კი წაგვართვა იმ რეჟიმმა, რომელიც კონფორმიზმით და თუნდაც უხარისხო და უვარგისი ოპოზიციის გამო ვერ შევცვალეთ.